ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ກຸມພານີ້, ທ່ານສີຈິ້ນຜິງກ່າວວ່າ, ຄວາມທຸກຍາກບໍ່ແມ່ນສີສັນຂອງສັງຄົມນິຍົມ, ຖ້າເຂດທຸກຍາກຍັງມີຄວາມທຸກຍາກເປັນເວລາດົນນານ, ບໍ່ໄດ້ຮັບການປັບປຸງໃຫ້ດີຂຶ້ນເປັນເວລາດົນນານ, ຊີວິດການເປັນຢູ່ຂອງປະຊາຊົນບໍ່ໄດ້ຮັບການປັບປຸງໃຫ້ດີຂຶ້ນຢ່າງພົ້ນເດັ່ນເປັນເວລາດົນນານ, ກໍຈະບໍ່ສາມາດສ່ອງແສງໃຫ້ເຫັນເຖິງຄວາມດີເລີດຂອງລະບອບສັງຄົມນິຍົມຂອງຈີນ, ທັງບໍ່ແມ່ນສີສັນສັງຄົມນິຍົມ.
ນັບແຕ່ກອງປະຊຸມໃຫຍ່ຂອງພັກກອມມູນິດຈີນຄັ້ງທີ 18 ເປັນຕົ້ນມາ, ພັກກອມມູນິດຈີນໄດ້ຖືເອົາການລຶບລ້າງຄວາມທຸກຍາກໄວ້ຢູ່ຖານະສຳຄັນຢ່າງຍິ່ງໃນການປົກຄອງ ແລະບໍລິຫານປະເທດ, ແລະກໍໄດ້ບັນລຸເປົ້າໝາຍທີ່ເຮັດໃຫ້ປະຊາຊົນຜູ້ທຸກຍາກໃນຊົນນະນົດໄດ້ຫຼຸດພົ້ນອອກຈາກຄວາມທຸກຍາກທັງໝົດ, ສະເລ່ຍແລ້ວມີ 10 ລ້ານກວ່າຄົນຫຼຸດພົ້ນອອກຈາກຄວາມທຸກຍາກຍາກໃນແຕ່ລະປີ. ການພັດທະນາເສດຖະກິດສັງຄົມຂອງເຂດທີ່ຫຼຸດພົ້ນອອກຈາກຄວາມທຸກຍາກໄດ້ເກີດມີການປ່ຽນແປງຢ່າງໃຫຍ່ຫຼວງ. ປະຊາຊົນຜູ້ທຸກຍາກທີ່ໄດ້ລົງທະບຽນແລ້ວໄດ້ບັນລຸເປົ້າໝາຍ “ບໍ່ເປັນຫ່ວງນຳການກິນ ແລະ ການນຸ່ງຖື, ມີການຮັບປະກັນດ້ານການສຶກສາພາກບັງຄັບ ການປິ່ນປົວຂັ້ນພື້ນຖານ ມີເຮືອນຢູ່ຖາວອນ ແລະ ມີນ້ຳດື່ມທີ່ສະອາດ, ລາຍຮັບສຸດທິສະເລ່ຍຕໍ່ຫົວຄົນຈາກ 2982 ຢວນໃນປີ 2015 ໄດ້ເພີ່ມຂຶ້ນເປັນ 10740 ຢວນເມື່ອປີ 2020, ເຊິ່ງເພີ່ມຂຶ້ນ 29,2% ຕໍ່ປີ, ຄວາມສາມາດໃນການຫຼຸດພົ້ນອອກຈາກຄວາມທຸກຍາກດ້ວຍຕົນເອງກໍໄດ້ເພີ່ມຂຶ້ນຢ່າງໜັກແໜ້ນ. ເຮືອນເກົ່າຊຸດໂຊມຂອງປະຊາຊົນຜູ້ທຸກຍາກ 7,9 ລ້ານຄອບຄົວ ລວມທັງໝົດ 25,68 ລ້ານຄົນໄດ້ຮັບການປັບປຸງໃຫ້ດີຂຶ້ນ, ເສັ້ນທາງຊົນນະບົດທີ່ສ້າງໃໝ່ ແລະ ປັບປຸງໃໝ່ມີໄລຍະທາງ 1,1 ລ້ານກິໂລແມັດ, ເສັ້ນທາງລົດໄຟທີ່ສ້າງຂຶ້ນໃໝ່ມີໄລຍະທາງລວມກັນ 35000 ກິໂລແມັດ. ການບໍລິການອິນເຕີເນັດໃຍແກ້ວນຳແສງ ແລະ 4Gໄດ້ປົກຄຸມບ້ານທຸກຍາກເຖິງ 98%.
ຄຳເຫັນ
0