ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ກຸມພານີ້, ທ່ານສີຈິ້ນຜິງ ກ່າວວ່າ: ຈີນສາມາດຍາດເອົາໄຊຊະນະຢ່າງສົມບູນໃນບັ້ນລຶບລ້າງຄວາມທຸກຍາກ ເປັນເລື່ອງຈິງທີ່ພິສູດໃຫ້ເຫັນຢ່າງເຕັມສ່ວນວ່າ ພັກກອມມູນິດຈີນເປັນ ກຳລັງນຳພາທີ່ໜ້າເຊື່ອຖືທີ່ສຸດໃນການນຳພາປະຊາຊົນບຸກບືນກ້າວເດີນໄປໜ້າ.
ນັບແຕ່ກອງປະຊຸມໃຫຍ່ຂອງພັກກອມມູນິດຈີນຄັ້ງທີ 18 ເປັນຕົ້ນມາ, ພັກກອມມູນິດຈີນໄດ້ຖືເອົາວຽກງານລຶບລ້າງຄວາມທຸກຍາກໄວ້ຢູ່ຖານນະອັນພົ້ນເດັ່ນໃນການປົກຄອງແລະບໍລິຫານປະເທດ. ໃນໄລຍະ 8 ປີຜ່ານມາ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ດຳເນີນການສຳຫຼວດຄົ້ນຄວ້າບັນຫາຫຼຸດຜ່ອນຄວາມທຸກຍາກ 50 ກວ່າເທື່ອ ໂດຍໄດ້ເດີນທາງໄປເຖິງເຂດທຸກຍາກທີ່ສຸດທີ່ມີເນື້ອທີ່ຕິດຈອດກັນໃນຈຳນວນທັງໝົດ14 ແຫ່ງ. ການນຳສຳຄັນຂອງພັກແລະລັດຂອງ 22 ແຂວງ,ກຳແພງນະຄອນແລະເຂດປົກຄອງຕົນເອງ ຢູ່ພາກກາງແລະພາກຕາເວັນຕົກຂອງຈີນໄດ້ເຊັນໃບປະຕິຍານລຶບລ້າງຄວາມທຸກຍາກກັບສູນກາງ. ເພື່ອຊ່ວຍປະຊາຊົນເຂດທຸກຍາກໃຫ້ສາມາດຫຼຸດພົ້ນອອກຈາກຄວາມທຸກຍາກ, ນັບລວມແລ້ວໄດ້ສົ່ງເລຂາທີໜຶ່ງແລະພະນັກງານປະຈຳບ້ານ 3 ລ້ານກວ່າຄົນໄປຊ່ວຍເຫຼືອປະຊາຊົນຜູ້ທຸກຍາກ. ຕາມຂໍ້ມູນໄດ້ສະແດງໃຫ້ເຫັນວ່າ, ໃນໄລຍະ 8 ປີຜ່ານມາ, ມີ 1800 ກວ່າຄົນໄດ້ເສຍຊີວິດໃນໄລຍະປະຕິບັດໜ້າທີ່ວຽກງານລຶບລ້າງຄວາມທຸກຍາກ.
ຄຳເຫັນ
0