ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງຈາກສະພາບການແຜ່ລະບາດຂອງພະຍາດໂຄວິດ-19 ໄດ້ຮ້າຍແຮງຂຶ້ນຢ່າງບໍ່ຢຸດຢັ້ງ, ເລີ່ມແຕ່ວັນທີ 3 ເມສານີ້ເປັນຕົ້ນໄປ, ຝຣັ່ງໄດ້ປະຕິບັດມາດຕະການປິດປະເທດເປັນຄັ້ງທີ 3 ເຊິ່ງຈະປະຕິບັດເປັນເວລາ 4 ອາທິດ. ມາດຕະການຕົ້ນຕໍມີດັ່ງນີ້: ຕອນກາງເວັນ, ປະຊາຊົນສາມາດ ເຄື່ອນໄຫວໄດ້ພາຍໃນຂອບເຂດອ້ອມແອ້ມທີ່ຢູ່ອາໄສຂອງຕົນໃນວົງລັດສະໝີ 10 ກິໂລແມັດໂດຍບໍ່ຈຳກັດເວລາ, ແຕ່ລະມື້ຈະປະຕິບັດມາດຕະການຫ້າມສັນຈອນໃນຍາມກາງຄືນເລີ່ມແຕ່ເວລາ 19 ໂມງເປັນຕົ້ນໄປ, ຮຽກຮ້ອງໃຫ້ປະຊາຊົນພະຍາຍາມເຮັດວຽກຜ່ານທາງອ໋ອນລາຍຕາມທີ່ສາມາດປະຕິບັດໄດ້, ພ້ອມທັງປິດສິ່ງອຳນວຍຄວາມສະດວກດ້ານທຸລະກິດທີ່ບໍ່ຈຳເປັນທັງໝົດ. ນອກນີ້, ເລີ່ມແຕ່ວັນທີ 5 ເມສານີ້ເປັນຕົ້ນໄປ, ໂຮງຮຽນອະນຸບານແລະ ປະຖົມຂອງຝຣັ່ງຈະປິດໂຮງຮຽນເປັນເວລາ 3 ອາທິດ, ສ່ວນໂຮງຮຽນມັດທະຍົມຈະປິດເປັນເວລາ 4 ອາທິດ. ມະຫາວິທະຍາໄລຈະສືບຕໍ່ປະຕິບັດຂໍ້ກຳນົດການຮຽນການສອນຢູ່ໃນໂຮງຮຽນອາທິດລະໜຶ່ງມື້.
ນັບມາຮອດວັນທີ 3 ເມສານີ້, ພາຍໃນເວລາ 24 ຊົ່ວໂມງຜ່ານມາ, ຢູ່ຝຣັ່ງ, ຜູ້ເສຍຊີວິດຈາກພະຍາດໂຄວິດ-19ທີ່ເພີ່ມໃໝ່ມີ 213 ກໍລະນີ, ນັບລວມແລ້ວ ຜູ້ເສຍຊີວິດມີ 96493 ກໍລະນີ. ຄົນເຈັບໜັກມີທັງໝົດ 5273 ກໍລະນີ. ປັດຈຸບັນ, ຝຣັ່ງໄດ້ກາຍເປັນປະເທດທີ່ມີຈຳນວນຜູ້ຕິດເຊື້ອພະຍາດໂຄວິດ-19 ຫຼາຍກວ່າໝູ່ ເຊິ່ງຖັດຈາກອາເມຣິກາ, ບຣາຊີນແລະອິນເດຍ.
ຄຳເຫັນ
0