ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອົງການກອງທຶນເງິນຕາສາກົນ ຫລື IMF ໄດ້ປະກາດບົດລາຍງານການຄາດຄະເນເສດຖະກິດໂລກໃນວັນທີ 6 ເມສານີ້, ໂດຍຄາດວ່າເສດຖະກິດໂລກໃນປີ 2021 ຈະເພີ່ມຂຶ້ນ 6% ເຊິ່ງຈັງຫວະການເຕີບໂຕດັ່ງກ່າວນີ້ໄວກວ່າການຄາດໝາຍໃນກ່ອນໜ້ານີ້.
ບົດລາຍງານດັ່ງກ່າວລະບຸວ່າ: ຈັງຫວະການເຕີບໂຕດັ່ງກ່າວແມ່ນຍ້ອນໄດ້ຮັບຜົນດີຈາກການສະໜັບສະໜູນດ້ານການເງິນຂອງກຸ່ມເສດຖະກິດຕົ້ນຕໍ ແລະການຟື້ນຟູເສດຖະກິດທີ່ອາດຈະເກີດຂຶ້ນໃນ 6 ເດືອນທ້າຍຂອງປີນີ້ຍ້ອນການສັກວັກຊິນໃນວົງກວ້າງ. ເສດຖະກິດໂລກໃນປີນີີ້ມີຄວາມເປັນໄປໄດ້ຈະເພີ່ມຂຶ້ນ 6% ເພີ່ມຂຶ້ນ0,5%ເມື່ອທຽບໃສ່ການຄາດໝາຍໃນເດືອນມັງກອນຜ່ານມາ.
ບົດລາຍງານຄາດຄະເນວ່າ: ຈັງຫວະການເຕີບໂຕຂອງກຸ່ມເສດຖະກິດທີ່ພັດທະນາແລ້ວໃນປີນີ້ແມ່ນ 5,1%, ຈັງຫວະການເຕີບໂຕຂອງກຸ່ມເສດຖະກິດທີ່ພວມພັດທະນາ ແລະຈະເລີນໃໝ່ແມ່ນ6,7%. ພ້ອມກັນນັ້ນ, ອົງການ IMFຄາດວ່າເສດຖະກິດຈີນໃນປີນີ້ຈະເພີ່ມຂຶ້ນ8,4%, ເພີ່ມຂຶ້ນ0,3%ເມື່ອທຽບໃສ່ການຄາດໝາຍໃນເດືອນມັງກອນຜ່ານມາ.
ມຸ່ງໜ້າໄປສູ່ອະນາຄົດ, ອົງການ IMFເຫັນວ່າ: ການເຕີບໂຕຂອງເສດຖະກິດໂລກຍັງມີຄວາມບໍ່ແນ່ນອນໃນລະດັບສູງ, ແມ່ນຈະຕັດສິນໂດຍການແຜ່ລະບາດຂອງພະຍາດໂຄວິດ-19 ແລະຜົນການຈັດຕັ້ງປະຕິບັດນະໂຍບາຍຕ່າງໆ.
ຄຳເຫັນ
0