ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 11 ເມສານີ້, ພັນເອກຫຼົງຊ້າວຮວາ ໂຄສົກເຂດສູ້ຮົບພາກຕາເວັນຕົກຂອງກອງທັບປົດປ່ອຍປະຊາຊົນຈີນໄດ້ໃຫ້ຮູ້ກ່ຽວກັບການເຈລະຈາລະດັບຜູ້ບັນຊາການກອງທັບລະຫວ່າງຈີນ-ອິນເດຍຮອບທີ 11.
ພັນເອກຫຼົງຊ້າວຮວາກ່າວວ່າ: ວັນທີ 9 ເມສານີ້, ກອງທັບຈີນແລະອິນເດຍໄດ້ຈັດການເຈລະຈາລະດັບຜູ້ບັນຊາການກອງທັບຮອບທີ 11 ຢູ່ຊາຍແດນເບື້ອງອິນເດຍ,ສອງຝ່າຍໄດ້ແລກປ່ຽນຄວາມຄິດຄວາມເຫັນກ່ຽວກັບບັນຫາທີ່ສົນໃຈຮ່ວມກັນ,ແລະຈະສືບຕໍ່ຮັກສາການຕິດຕໍ່ພົວພັນກັນໂດຍຜ່ານຊ່ອງທາງການທູດດ້ານການທະຫານ.
ພັນເອກຫຼົງຊ້າວຮວາກ່າວຕື່ມວ່າ: ຫວັງວ່າຝ່າຍອິນເດຍຈະທະນຸຖະໜອມທ່າອ່ຽງທີ່ມີຄວາມຕັ້ງໜ້າໃນປັດຈຸບັນທີ່ສະຖານະການຢູ່ເຂດຊາຍແດນລະຫວ່າງຈີນ-ອິນເດຍໄດ້ຜ່ອນຄາຍລົງ, ເຄົາລົບແລະປະຕິບັດຕາມສັນຍາທີ່ກ່ຽວຂ້ອງລະຫວ່າງສອງກອງທັບແລະສອງລັດກໍຄືຄວາມຮັບຮູ້ທີ່ເປັນເອກະພາບກັນຂອງການເຈລະຈາໃນໄລຍະຜ່ານມາ,ມຸ່ງໜ້າສູ່ເປົ້າໝາຍດຽວກັນກັບຝ່າຍຈີນ,ຮ່ວມກັນປົກປັກຮັກສາສັນຕິພາບແລະສະຖຽນລະພາບຢູ່ເຂດຊາຍແດນລະຫວ່າງສອງປະເທດ.
ຄຳເຫັນ
0