ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ເມສານີ້ຕາມເວລາທ້ອງຖິ່ນ, ກະຊວງການເງິນອາເມຣິກາໄດ້ເປີດເຜີຍບົດລາຍງານສະບັບໜຶ່ງໂດຍສະແດງໃຫ້ເຫັນວ່າ: ແຜນການຊ່ວຍເຫຼືອໃນໄລຍະການແຜ່ລະບາດຂອງພະຍາດໂຄວິດ-19 ຂອງລັດຖະບານ ໂຈ ໄບເດັນຈະເຮັດໃຫ້ການຂາດດຸນງົບປະມານຕໍ່ເດືອນຂອງອາເມຣິກາເຂົ້າໃກ້ຈຸດສູງສຸດໃນປະຫວັດສາດ,ໃນເດືອນມີນາຜ່ານມາ, ການຂາດດຸນງົບປະມານຂອງລັດຖະບານມີເຖິງ 660 ຕື້ໂດລາສະຫະລັດ. ເຈົ້າໜ້າທີ່ກະຊວງການເງິນອາເມຣິກາກ່າວວ່າ: ການຂາດດຸນງົບປະມານໃນເດືອນມີນາປີນີ້ຖືວ່າແມ່ນການຂາດດຸນຕໍ່ເດືອນຫຼາຍເປັນອັນດັບ 3 ໃນປະຫວັດສາດຂອງອາເມຣິກາ, ພຽງແຕ່ຖັດຈາກການໃຊ້ຈ່າຍສຸກເສີນໃນເດືອນເມສາແລະເດືອນມິຖຸນາຂອງປີກາຍນີ້ເພື່ອຮັບມືກັບວິກິດການເສດຖະກິດທີ່ເກີດຂຶ້ນຍ້ອນການແຜ່ລະບາດຂອງພະຍາດໂຄວິດ-19.
ຂ່າວແຈ້ງວ່າ: ໃນ 6 ເດືອນຕົ້ນປີຂອງສົກງົບປະມານການເງິນນີ້, ການຂາດດຸນງົບປະມານຂອງລັດຖະບານອາເມຣິກາໄດ້ມີເຖິງ 1.700 ຕື້ໂດລາສະຫະລັດ, ແຕ່ອີງຕາມແຜນການກະຕຸ້ນເສດຖະກິດທີ່ມີມູນຄ່າເຖິງ 1.900 ຕື້ໂດລາສະຫະລັດນັ້ນ,ໃນຫຼາຍເດືອນຕໍ່ໜ້ານີ້ຈະໃຊ້ງົບປະມານຫຼາຍກວ່າເກົ່າແລະອາດຈະເຮັດໃຫ້ລາຍຈ່າຍສືບຕໍ່ເພີ່ມຂຶ້ນ.
ຄຳເຫັນ
0