ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ພຶດສະພານີ້, ທ່ານສີຈິ້ນຜິງ ປະທານປະເທດຈີນໄດ້ສືບຕໍ່ສຳຫຼວດກວດກາວຽກງານຢູ່ນະຄອນນານຢາງແຂວງເຮີນານ. ໃນຕອນບ່າຍມື້ດຽວກັນ, ທ່ານສີຈິ້ນຜິງໄດ້ເດີນທາງໄປເມືອງຊີ່ຊ່ວນ ເພື່ອກວດເບິ່ງໂຄງການຫົວຄອງນ້ຳທາວຊ້າ, ອ່າງນ້ຳຕ່ານຈ່ຽງໂຂ ແລະບ້ານໂຈ່ຈ່ວງຕາແສງຈີວສົງຕາມລຳດັບ, ທ່່ານໄດ້ຮັບຟັງກ່ຽວກັບສະພາບການຄຸ້ມຄອງການກໍ່ສ້າງ ແລະການປະຕິບັດງານຂອງໂຄງການສົ່ງນ້ຳສາຍກາງໃນໂຄງການສົ່ງນ້ຳຈາກພາກໃຕ້ສູ່ພາກເໜືອ, ການອະນຸລັກສິ່ງແວດລ້ອມນິເວດຂອງແຫຼ່ງນ້ຳ ແລະອື່ນໆ ເພື່ອຮັບຮູ້ກ່ຽວກັບສະພາບການຈັດສັນຍົກຍ້າຍປະຊາຊົນຍ້ອນໂຄງການສົ່ງນ້ຳຈາກພາກໃຕ້ສູ່ພາກເໜືອ, ການພັດທະນາອຸດສາຫະກຳທີ່ມີເອກະລັກພິເສດ, ການສົ່ງເສີມການເພີ່ມລາຍຮັບໃຫ້ກັບປະຊາຊົນທີ່ໄດ້ຈັດສັນຍົກຍ້າຍ ແລະອື່ນໆ. ໃນການເດີນທາງຄັ້ງນີ້, ທ່ານຍັງໄດ້ກວດເບິ່ງສະພາບການເຕີບໃຫຍ່ຂອງເຂົ້າບະເລ, ຮັບຮູ້ກ່ຽວກັບສະພາບການຜະລິດສະບຽງອາຫານໃນລະດູຮ້ອນ.
ໂຄງການສົ່ງນ້ຳຈາກພາກໃຕ້ສູ່ພາກເໜືອແບ່ງອອກເປັນສາມສາຍ ເຊັ່ນ: ສາຍຕາເວັນອອກ, ສາຍກາງ ແລະສາຍຕາເວັນຕົກ, ໂດຍສົ່ງນ້ຳສູ່ພາກເໜືອຈາກແຫຼ່ງນ້ຳຍ່ານໃຕ້, ກາງ ແລະເໜືອຂອງແມ່ນ້ຳຢາງຊີກ້ຽງຕາມລຳດັບ. ແນວຄວາມຄິດກໍ່ສ້າງໂຄງການຂະໜາດໃຫຍ່ນີ້ໄດ້ຖືກສະເໜີເປັນເທື່ອທຳອິດໃນເດືອນຕຸລາປີ 1952. ໃນໄລຍະ 7 ປີກ່ອນໜ້ານີ້, ໂຄງການສົ່ງນ້ຳສາຍຕາເວັນອອກ ແລະສາຍກາງໄດ້ສົ່ງນ້ຳເຂົ້າຄອງສຳເລັດຮອບດ້ານ, ເຮັດໃຫ້ຄວາມໃຝ່ຝັນຂອງປະຊາຊົນກາຍເປັນຈິງ.
ຈົນມາຮອດວັນທີ 12 ທັນວາປີ 2020, ໂຄງການສົ່ງນ້ຳສາຍກາງສາມາດສົ່ງນ້ຳໄດ້ 34,8 ຕື້ແມັດກ້ອນ, ປະຊາຊົນ 69 ລ້ານຄົນໄດ້ປະໂຫຍດຈາກໂຄງການນີ້.
ຄຳເຫັນ
0