ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກ່ຽວກັບກໍລະນີທີ່ສະມາຄົມການຄ້າອາເມຣິກາປະຈຳຮົງກົງກ່າວວ່າ: ມີວິສາຫະກິດ 42% ໄດ້ພິຈາລະນາຈະຍ້າຍອອກຈາກຮົງກົງ, ທ່ານນາງຮວ້າຊຸ່ນຢີງ ໂຄສົກກະຊວງການຕ່າງປະເທດຈີນໄດ້ຕອບຄຳຖາມທີ່ກ່ຽວຂ້ອງໃນກອງປະຊຸມຖະແຫຼງຂ່າວໃນວັນທີ 13 ພຶດສະພານີ້ວ່າ: ກໍລະນີດັ່ງກ່າວບໍ່ໄດ້ສ່ອງແສງໃຫ້ເຫັນເຖິງຜົນການສຳຫຼວດໂດຍລວມທີ່ກ່ຽວຂ້ອງ, ຈີນເຊື່ອໝັ້ນວ່າ: ຮົງກົງຈະມີອະນາຄົດທີ່ດີກວ່າຢ່າງແນ່ນອນ.
ຫວ່າງກ່ອນນີ້ບໍ່ດົນ, ສະມາຄົມການຄ້າອາເມຣິກາປະຈຳຮົງກົງໄດ້ດຳເນີນການສຳຫຼວດສະມາຊິກຂອງຕົນ 24% ເຊິ່ງລວມມີວິສາຫະກິດ 325 ແຫ່ງ, ຜົນການສຳຫຼວດໄດ້ສະແດງໃຫ້ເຫັນວ່າ: ວິສາຫະກິດທີ່ຕອບແບບສອບຖາມນັ້ນ ມີ 42% ພວມພິຈາລະນາຫຼືມີແຜນຈະຍ້າຍອອກຈາກຮົງກົງ. ກ່ຽວກັບເລື່ອງນີ້, ທ່ານນາງຮວ້າຊຸ່ນຢີງກ່າວວ່າ: “ຜົນການສຳຫຼວດດັ່ງກ່າວຍັງສະແດງໃຫ້ເຫັນວ່າ: ວິສາຫະກິດທີ່ໄດ້ຕອບແບບສອບຖາມນັ້ນມີ 58% ບໍ່ມີແຜນຈະຍ້າຍອອກຈາກຮົງກົງ,ຜູ້ຕອບແບບສອບຖາມມີ 77% ເຫັນວ່າຢູ່ຮົງກົງຈະມີຄຸນນະພາບຊີວິດການເປັນຢູ່ທີ່ດີ, ມີ 55% ເຫັນວ່າສະພາບແວດລ້ອມການຄ້າຢູ່ຮົງກົງດີຫຼາຍ ແລະມີ 48% ເຫັນວ່າຢູ່ຮົງກົງມີຄວາມສະດວກໃນການເຂົ້າສູ່ຕະຫຼາດແຜ່ນດິນໃຫຍ່ຈີນ. ວິສາຫະກິດທີ່ຕອບແບບສອບຖາມດັ່ງກ່າວບໍ່ຮອດ 1/4 ຂອງສະມາຊິກສະມາຄົມການຄ້າອາເມຣິກາປະຈຳຮົງກົງ. ດ້ວຍເຫດນີ້, ຂ້າພະເຈົ້າເຊື່ອໝັ້ນວ່າ: ຖ້າວ່າຂອບເຂດການຕອບແບບສອບຖາມເປີດກວ້າງກວ່ານີ້, ກໍຈະມີຜົນການສຳຫຼວດທີ່ສ່ອງແສງໃຫ້ເຫັນເຖິງດ້ານບວກທີ່ດີຕື່ມອີກ.”
ຄຳເຫັນ
0