ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກ່ຽວກັບເລື່ອງທີ່ນັກການເມືອງອາເມຣິກາມີເຈຕະນານຳໃຊ້ງານກິລາໂອລິມປິກລະດູໜາວປັກກິ່ງເພື່ອແຊກແຊງວຽກງານພາຍໃນຂອງຈີນ, ວັນທີ 13 ພຶດສະພານີ້, ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຖະແຫຼງຂ່າວວ່າ: ຈີນເດັດດ່ຽວຄັດຄ້ານການຫັນກິລາເປັນບັນຫາການເມືອງ.
ໃນເວລາຕອບຄຳຖາມທີ່ກ່ຽວຂ້ອງ, ທ່ານນາງຮວ້າຊຸ່ນຢິງກ່າວວ່າ, ການກະທຳຂອງອາເມຣິກາໃນດ້ານສິດທິມະນຸດ, ເຊິ່ງລວມທັງທີ່ໄດ້ບັນທຶກໄວ້ໃນປະຫວັດສາດ ແລະ ໃນປະຈຸບັນເປັນໜ້າອັບອາຍທີ່ສຸດ, ເຂົາເຈົ້າບໍ່ມີສິດໃດໆທີ່ຈະມາຕຳໜິຈີນກ່ຽວກັບບັນຫາສິດທິມະນຸດຢ່າງບໍ່ມີມູນຄວາມຈິງ. ການຫຼິ້ນເກມການເມືອງຈະສົ່ງຜົນກະທົບຕໍ່ສິດທິຂອງນັກກິລາປະເທດຕ່າງໆໃນການແຂ່ງຂັນທີ່ຍຸດຕິທຳໃນທີ່ສຸດ. ນັກການເມືອງອາເມຣິກາມີເຈຕະນານຳໃຊ້ງານກິລາໂອລິມປິກລະດູໜາວເພື່ອແຊກແຊງວຽກງານພາຍໃນຂອງຈີນຢ່າງບັງອາດດ້ວຍຂໍ້ອ້າງ “ສິດທິມະນຸດ” ໃນຈີນ, ເຊິ່ງຈະບໍ່ປະສົບຜົນສຳເລັດຢ່າງແນ່ນອນ, ທັງຈະຖືກປະຊາຄົມໂລກປະຖິ້ມ ແລະ ຄັດຄ້ານຢ່າງເດັດດ່ຽວ.
ທ່ານນາງຮວ້າຊຸ່ນຢິງກ່າວຕື່ມວ່າ, ໃນບັນຫາສິດທິມະນຸດ, ບໍ່ວ່າເບິ່ງຈາກປະຫວັດສາດ ຫຼື ສະພາບປະຈຸບັນ, ນັກການເມືອງຂອງອາເມຣິກາເຫຼົ່ານີ້ບໍ່ມີສິດໃດໆທີ່ຈະມາຊີ້ໄມ້ຊີ້ມືກັບຈີນ, ແລະ ຕຳໜິຈີນໂດຍບໍ່ມີມູນຄວາມຈິງ, ເຂົາເຈົ້າຄວນສຳນຶກຄືນຄາມຜິດຂອງຕົນຢ່າງຈິງຈັງ.
ຄຳເຫັນ
0