ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກົມການບິນອະວະກາດແຫ່ງຊາດຈີນລາຍງານວ່າ: ຄະນະຄົ້ນຄວ້າວິທະຍາສາດຈີນໄດ້ຢືນຢັນໂດຍອີງຕາມສັນຍານທີ່ສົ່ງມາຈາກລົດສຳຫຼວດດາວອັງຄານ“ຈູ້ຢົງ”ວ່າ: ເວລາ 7 ໂມງ 18 ນາທີຂອງວັນທີ 15 ພຶດສະພານີ້, ຍານສຳຫຼວດ ທ່ຽນເວີ້ນ 1 ຂອງຈີນໄດ້ລົງຈອດຢູ່ເຂດທີ່ໄດ້ກຳນົດໄວ້ລ່ວງໜ້າຢູ່ພາກໃຕ້ທົ່ງພຽງອູໂຕເປຍຂອງດາວອັງຄານຢ່າງສຳເລັດຜົນ ເຊິ່ງສະແດງໃຫ້ເຫັນວ່າ ໜ້າທີ່ສຳຫຼວດດາວອັງຄານຄັ້ງທຳອິດຂອງຈີນໄດ້ລົງຈອດຢູ່ພື້ນຜິວດາວອັງຄານດ້ວຍຜົນສຳເລັດອັນຈົບງາມ. ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນ ປະທານຄະນະກຳມະການການທະຫານສູນກາງຈີນໄດ້ສົ່ງສານອວຍພອນໂດຍຕາງໜ້າສູນກາງພັກ ລັດຖະບານ ແລະຄະນະກຳມະການການທະຫານສູນກາງ ສະແດງຄວາມອວຍພອນຢ່າງສຸດອົກສຸດໃຈແລະຄວາມຢື້ຢາມຖາມຂ່າວຢ່າງຈິງໃຈຕໍ່ກອງບັນຊາການຂອງໜ້າທີ່ສຳຫຼວດດາວອັງຄານຄັ້ງທຳອິດຂອງຈີນພ້ອມທັງທຸກທ່ານທີ່ໄດ້ປະກອບສ່ວນເຂົ້າໃນໜ້າທີ່ດັ່ງກ່າວ.
ໜ້າທີ່ສຳຫຼວດດາວອັງຄານຂອງຍານທ່ຽນເວີ້ນ 1 ໄດ້ແກ້ໄຂບັນຫາຂໍ້ກະແຈຫຼາຍຂໍ້ ເຊັ່ນ: ການສົ່ງດ້ວຍຄວາມໄວອະວະກາດທີສອງ ການບິນແລະສື່ສານຢູ່ລະຫວ່າງດາວເຄາະ ການລົງຈອດຢູ່ພື້ນຜິວດາວເຄາະນອກໜ່ວຍໂລກ ແລະອື່ນໆ, ເປັນການລົງຈອດຢູ່ພື້ນຜິວດາວເຄາະນອກໜ່ວຍໂລກຄັ້ງທຳອິດຂອງຈີນ ແລະເປັນຫຼັກໝາຍທາງທີ່ມີຄວາມໝາຍສຳຄັນອີກອັນໜຶ່ງໃນການພັດທະນາດ້ານການບິນອະວະກາດຂອງຈີນ.
ຄຳເຫັນ
0