ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ພຶດສະພານີ້ແມ່ນວັນໂທລະຄົມມະນາຄົມ ແລະສັງຄົມຂໍ້ມູນຂ່າວສານໂລກ. ໃນກອງປະຊຸມວັນໂທລະຄົມມະນາຄົມ ແລະສັງຄົມຂໍ້ມູນຂ່າວສານໂລກ 2021 ທີ່ຈັດຂຶ້ນໃນວັນທີ 17 ພຶດສະພານີ້, ຜູ້ຮັບຜິດຊອບທີ່ກ່ຽວຂ້ອງຂອງກະຊວງອຸດສາຫະກຳແລະຫັນເປັນຂໍ້ມູນຂ່າວສານຈີນກ່າວວ່າ: ການພັດທະນາເຕັກນິກ 5G ໃນທາງທຸລະກິດຂອງຈີນໄດ້ຮັບຜົນສຳເລັດອັນພົ້ນເດັ່ນ ເຊິ່ງໄດ້ຢືນຢູ່ແຖວໜ້າຂອງໂລກ.
ຕາມຂ່າວແຈ້ງໃຫ້ຮູ້ວ່າ: ນັບແຕ່ຈີນໄດ້ນຳໃຊ້ເຕັກນິກ 5G ໃນທາງທຸລະກິດຢ່າງເປັນທາງການເປັນເວລາເກືອບ 2 ປີມານີ້, ໄດ້ຮັບຜົນສຳເລັດອັນພົ້ນເດັ່ນທີ່ນຳໜ້າໂລກ 3 ດ້ານ ຄື: ມາຮອດທ້າຍເດືອນມີນາປີ 2021, ຈີນໄດ້ສ້າງສະຖານີສົ່ງສັນຍານ 5G ສຳເລັດແລ້ວຈຳນວນ 81,9 ໝື່ນແຫ່ງ, ກວມຫຼາຍກວ່າ 70% ຂອງໂລກ, ໄດ້ສ້າງເຄືອຂ່າຍ 5G ທີ່ເປັນເອກະລາດທີ່ມີຂະໜາດໃຫຍ່ທີ່ສຸດໃນໂລກ; ຄວາມສາມາດການຜະລິດກໍນຳໜ້າໂລກ, ໃນສິດຊັບສິນທາງປັນຍາທີ່ຈຳເປັນກ່ຽວກັບມາດຕະຖານ 5G ທີ່ໄດ້ລະບຸໄວ້ໃນຖະແຫຼງການຂອງສະມາຄົມໂທລະຄົມມະນາຄົມວ່າດ້ວຍມາດຖານຂອງເອີຣົບຫຼື ETSI, ວິສາຫະກິດຈີນຍັງສືບຕໍ່ຮັກສາລະດັບນຳໜ້າຂອງໂລກ; ການປະດິດສ້າງດ້ານການນຳໃຊ້ເຕັກນິກ 5G ກໍນຳໜ້າໂລກ, ຕົວຢ່າງການນຳໃຊ້ເຕັກນິກ 5G ແບບປະດິດສ້າງກໍໄດ້ມີຫຼາຍກວ່າ 9.000 ກໍລະນີ, ເຊິ່ງມີທ່ວງທ່ານຳໜ້າໃນດ້ານລະບົບ 5G.
ຄຳເຫັນ
0