ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອບໍ່ດົນມານີ້, ສະພາການຄ້າຈີນ-ສະຫະພາບເອີຣົບໄດ້ອອກບົດລາຍງານໂດຍໄດ້ຊີ້ໃຫ້ເຫັນວ່າ: ມີວິສາຫະກິດ 60% ທີ່ໄດ້ຮັບການສຳຫຼວດມີແຜນເປີດກວ້າງທຸລະກິດຢູ່ຈີນໃນປີ 2021, ເຊິ່ງເພີ່ມຂຶ້ນ 10% ເມື່ອທຽບໃສ່ປີ 2020. ກ່ຽວກັບເລື່ອງນີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວໃນວັນທີ 9 ມິຖຸນານີ້ວ່າ: ໃນສະພາບທີ່ພະຍາດໂຄວິດ-19 ຍັງແຜ່ລະບາດໃນທົ່ວໂລກ ແລະເສດຖະກິດໂລກຊຸດໂຊມລົງຢ່າງໜັກໜ່ວງນັ້ນ, ຂໍ້ມູນສະຖິຕິທີ່ກ່ຽວຂ້ອງຂອງບົດລາຍງານສະບັບນີ້ໄດ້ສະແດງໃຫ້ເຫັນຄວາມເຂັ້ມແຂງ, ຄວາມມີຊີວິດຊີວາ ແລະອະນາຄົດທີ່ສົດໃສຂອງການຮ່ວມມືດ້ານເສດຖະກິດ-ການຄ້າລະຫວ່າງຈີນ ແລະສະຫະພາບເອີຣົບ.
ກ່ຽວກັບຄວາມກັງວົນຫາຢ່າງຂອງວິສາຫະກິດເອີຣົບຢູ່ຈີນທີ່ໄດ້ລະບຸໄວ້ໃນບົດລາຍງານດັ່ງກ່າວນັ້ນ, ທ່ານວ່າງເວີນປິ່ນກ່າວເນັ້ນວ່າ: ປັດຈຸບັນນີ້, ຈີນພວມຕັ້ງໜ້າສ້າງສະພາບການພັດທະນາໃໝ່. ຊຸກຍູ້ການສ້າງລະບົບເສດຖະກິດແບບເປີດປະຕູສູ່ພາຍນອກໃນລະດັບສູງກວ່າເກົ່າ, ສ້າງສະພາບແວດລ້ອມການດຳເນີນທຸລະກິດທີ່ຫັນເປັນຕະຫຼາດ, ຄຸ້ມຄອງຕາມກົດໝາຍ ແລະເປັນສາກົນ, ສ້າງໂອກາດການພັດທະນາຢ່າງກວ້າງຂວາງກວ່າເກົ່າໃຫ້ກັບວິສາຫະກິດບັນດາປະເທດລວມທັງເອີຣົບ, ສ້າງຊ່ອງທາງໃໝ່ສຳລັບການຮ່ວມມືດ້ານເສດຖະກິດ-ການຄ້າລະຫວ່າງຈີນ ແລະສະຫະພາບເອີຣົບ.
ຄຳເຫັນ
0