ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ກໍລະນີທີ່ກອງເລຂາອົງການ ສປຊ ໄດ້ຖືເອົາຂໍ້ລິເລີ່ມກ່ຽວກັບ “ໜຶ່ງແລວໜຶ່ງເສັ້ນທາງ” ເປັນເອກະສານສຳລັບກອງປະຊຸມສະມັດຊາໃຫຍ່ອົງການ ສປຊ ສະໄໝທີ 75, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວໃນກອງປະຊຸມຖະແຫຼງຂ່າວໃນວັນທີ 30 ກໍລະກົດນີ້ວ່າ: ນີ້ສະແດງໃຫ້ເຫັນວ່າ ປະຊາຄົມໂລກໃຫ້ຄວາມສຳຄັນແລະເຫັນດີຕໍ່ກັບການຮ່ວມມື “ໜຶ່ງແລວໜຶ່ງເສັ້ນທາງ”.
ທ່ານຈ້າວລີ້ຈ່ຽນກ່າວເນັ້ນວ່າ: ຈີນຈະສືບຕໍ່ຮ່ວມກັບຄູ່ຮ່ວມມືຂອງ “ໜຶ່ງແລວໜຶ່ງເສັ້ນທາງ”, ເດັດດ່ຽວສະໜັບສະໜູນໃຫ້ອົງການ ສປຊ ມີບົດບາດນຳພາໃນຂົງເຂດການພັດທະນາແລະສາທາລະນະສຸກຂອງໂລກ, ເພີ່ມທະວີການເຊື່ອມຕໍ່ກັນລະຫວ່າງຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ກັບວາລະການພັດທະນາແບບຍືນຍົງປີ 2030 ຂອງອົງການ ສປຊ ຕື່ມອີກ.
ໃນກອງປະຊຸມລະດັບສູງກ່ຽວກັບການຮ່ວມມືສາກົນໃນພາກພື້ນອາຊີປາຊີຟິກ “ໜຶ່ງແລວໜຶ່ງເສັ້ນທາງ” ທີ່ໄດ້ຈັດຂຶ້ນໃນເດືອນມິຖຸນາຜ່ານມານີ້, 29 ປະເທດທີ່ຮ່ວມປະຊຸມໄດ້ຮ່ວມກັນສະເໜີຂໍ້ລິເລີ່ມການພົວພັນຄູ່ຮ່ວມມືດ້ານວັກຊີ້ນ “ໜຶ່ງແລວໜຶ່ງເສັ້ນທາງ” ແລະ ຂໍ້ລິເລີ່ມການພົວພັນຄູ່ຮ່ວມພັດທະນາແບບສີຂຽວ “ໜຶ່ງແລວໜຶ່ງເສັ້ນທາງ”, ຮຽກຮ້ອງໃຫ້ເພີ່ມທະວີການຮ່ວມມືດ້ານວັກຊີ້ນໃນສາກົນ, ຊຸກຍູ້ການຟື້ນຟູຂອງເສດຖະກິດໂລກ ແລະບັນລຸການພັດທະນາແບບສີຂຽວແລະຍືນຍົງ. ຫວ່າງກ່ອນນີ້ບໍ່ດົນ, ກອງເລຂາອົງການ ສປຊ ໄດ້ຖືເອົາ 2 ຂໍ້ລິເລີ່ມດັ່ງກ່າວເປັນເອກະສານທາງການຂອງກອງປະຊຸມສະມັດຊາໃຫຍ່ອົງການ ສປຊ ສະໄໝທີ 75.
ຄຳເຫັນ
0