ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ເວັບໄຊ “ໜັງສືພິມຂ່າວ” ໂອຕຣິສໄດ້ລົງບົດຄວາມໂດຍລະບຸວ່າ: ວິສາຫະກິດເອີຣົບຂາດຕະຫຼາດຈີນບໍ່ໄດ້. ບົດຄວາມໄດ້ນຳເອົາຕົວເລກຂໍ້ມູນຂອງດ່ານພາສີຈີນມາລາຍງານວ່າ: ຫົກເດືອນຕົ້ນປີນີ້, ການສົ່ງອອກຂອງເຂດຊິນຈ່ຽງ ທາງພາກຕາເວັນຕົກຂອງຈີນສູ່ສະຫະພາບເອີຣົບໄດ້ເພີ່ມຂຶ້ນ 131% ເມື່ອທຽບໃສ່ໄລຍະດຽວກັນຂອງປີຜ່ານມາ. ຝ້າຍ, ຜະລິດຕະພັນໝາກເລັ່ນ, ເສັ້ນໄຍທຽມ ແລະ ເຄື່ອງຜະລິດໄຟຟ້າດ້ວຍພະລັງລົມ ຖືເປັນຜະລິດຕະພັນຕົ້ນຕໍໃນການສົ່ງອອກ.
ບົດຄວາມລະບຸຕື່ມວ່າ: ຍົກຕົວຢ່າງຄືບໍລິສັດໂວກສະວາເກນ ທີ່ເປັນບໍລິສັດຜະລິດລົດທີ່ມີອິດທິພົນທາງການເມືອງ ສະແດງໃຫ້ເຫັນວ່າ: “ວິສາຫະກິດຕາເວັນຕົກແຫ່ງໜຶ່ງໄດ້ອີງອາໄສຕະຫຼາດຈີນຫຼາຍປານໃດ, ຈົນວ່າບໍ່ສາມາດຂາດຕະຫຼາດຈີນໄດ້”. ຍອດການຈຳໜ່າຍໃນຂອບເຂດທົ່ວໂລກຂອງບໍລິສັດໂວກສະວາເກນມີ 40% ແມ່ນມາຈາກຈີນ, ບໍລິສັດດັ່ງກ່າວມີໂຮງງານຜະລິດລົດແຫ່ງໜຶ່ງຕັ້ງຢູ່ເຂດຊິນຈ່ຽງຈີນເຊັ່ນກັນ.
ຄຳເຫັນ
0