ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ກັນຍານີ້, ທ່ານສີຈິ້ນຜິງ ປະທານປະເທດຈີນໄດ້ເດີນທາງໄປສຳຫຼວດກວດກາວຽກງານຢູ່ບ້ານກ່າວຊີ່ໂກ່ເຂດຖະໜົນຢິນໂຈ່ເມືອງມີຈື່ນະຄອນອີລິນແຂວງສ້ານຊີ່ ເພື່ອຮັບຮູ້ສະພາບການປົງແປງເຂດນ້ຳເຊາະດິນເຈື່ອນ ແລະການສ້າງຄວາມສີວິໄລດ້ານນິເວດ.
ບ້ນກ່າວຊີ່ໂກ່ເມືອງມີຈື່ຕັ້ງຢູ່ເຂດທີ່ມີພູມສັນຖານເປັນເນີນ ແລະຮ່ອງເລິກໃນພູພຽງດິນເຫຼືອງທາງພາກເໜືອແຂວງສ້ານຊີ່, ມີເນື້ອທີ່ທັງໝົດ 4 ກິໂລຕາແມັດ. ແຕ່ກ່ອນ, ບ້ານກ່າວຊີ່ໂກ່ເປັນເຂດທີ່ຮົກເຮື້ອ, ດິນຂາດຄວາມອຸດົມສົມບູນ, ນ້ຳເຊາະດິນເຈື່ອນຢ່າງຮ້າຍແຮງ. ນັບແຕ່ຊຸມປີ 1950 ເປັນຕົ້ນມາ, ຊາວບ້ານກ່າວຊີ່ໂກ່ເລີ່ມດຳເນີນຂະບວນການປົວແປງພູ ແລະນ້ຳ ໂດຍສາມາດຄົ້ນຄວ້າໃຫ້ໄດ້ຮູບແບບການປົວແປງ “ສາມສາມ” ໝາຍເຖິງທົ່ງນາ, ປ່າໄມ້ ແລະທົ່ງຫຍ້າກວມອັນລະ 1 ສ່ວນ 3 ຜ່ານຈາກການປະຕິບັດຕົວຈິງ, ຍັງໄດ້ປະດິດສ້າງວິທີໃໝ່ໃນຮູບແບບ “ສາມສອງໜຶ່ງ” (ປ່າໄມ້ກວມເອົາ 3 ສ່ວນ, ທົ່ງຫຍ້າກວມເອົາ 2 ສ່ວນ ແລະທົ່ງນາກວມເອົາ 1 ສ່ວນ) ຖືວ່າເປັນການປະດິດສ້າງທີ່ໄປຄ່ຽງຄູ່ກັບຍຸກສະໄໝ ເຊິ່ງສາມາດເຮັດໃຫ້ບ້ານກ່າວຊີ່ໂກ່ທີ່ເຄີຍເປັນດິນແດນຮົກເຮື້ອ, ດິນຂາດຄວາມອຸດົມສົມບູນກາຍມາເປັນເຂດທີ່ມີນາເຂັ້ນໄດ ແລະປ່າໄມ້ກວ້າງໃຫຍ່ຄືໃນປັດຈຸບັນນີ້.
ບ້ານກ່າວຊີ່ໂກ່ໄດ້ສ້າງຫຍີ່ຫໍ້ໝາກໂປ່ມພູພຽງທີ່ມີຊື່ສຽງດ້ວຍການປູກໝາກໂປ່ມປອດສານພິດ, ເປີດກວ້າງຊ່ອງທາງການຈຳໜ່າຍດ້ວຍການຄ້າເອເລັກໂຕຣນິກ ແລະວິທີອື່ນໆ. ຂະນະດຽວກັນ, ບ້ານດັ່ງກ່າວຍັງຕັ້ງໜ້າຄົ້ນຄວ້າການປູກໝາກໄມ້ ແລະພືດເສດຖະກິດອື່ນໆທີ່ສາມາດປູກຝັງຢູ່ທ້ອງຖິ່ນຕົນໄດ້, ຊອກຫາວິທີການເຮັດທຸລະກິດທີ່ຫຼາກຫຼາຍ ແລະເຮັດທຸລະກິດການທ່ອງທ່ຽວນິເວດ, ໃນປີ 2020, ລາຍຮັບສະເລ່ຍຕໍ່ຫົວຄົນຂອງຊາວບ້ານບັນລຸໄດ້ 18851 ຢວນ, ລື່ນກາຍລາຍຮັບສະເລ່ຍຕໍ່ຫົວຄົນຂອງທົ່ວເມືອງທີ່ໄດ້ຮັບ 5834 ຢວນ.
ຄຳເຫັນ
0