ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ລາຍການແຂ່ງຂັນສອງລາຍການລະດູໜາວໄດ້ເກີດຂຶ້ນຢູ່ແຫຼມສະເກນດີນາເວຍ, ແມ່ນຜັນແປມາຈາກການແລ່ນສະກີລ່າເນື້ອໃນຫຼາຍພັນປີກ່ອນ, ເປັນລາຍການກິລາທີ່ມີທັງການແຂ່ງຂັນສະກີ ແລະການຍິງປືນປະສົມກັນ. ປະມານໃນສະຕະວັດທີ 15, ລາຍການນີ້ຍັງໄດ້ຖືກບາງປະເທດຈັດເຂົ້າເປັນລາຍການຝຶກຊ້ອມການທະຫານ.
ການແຂ່ງຂັນສອງລາຍການລະດູໜາວຂອງງານກິລາໂອລິມປິກລະດູໜາວປັກກິ່ງ 2022 ຈະຈັດຂຶ້ນຢູ່ສະໜາມກິລາຈ່າງເຈ່ຍໂຂ ເຊິ່ງຈະແບ່ງອອກເປັນ 11 ລາຍການນ້ອຍ ແລະຈະມີຫຼຽນຄຳ 11 ຫຼຽນໃຫ້ຊີງ.
ໃນເວລາແຂ່ງຂັນກັນ, ນັກກິລາຈະນຸ່ງຊຸດສະກີ, ພາຍປືນຍາວປາກເລົາປືນຂະໜາດ 5,6 ມ.ມ., ແລ່ນສະກີໄປໄລຍະທາງຕອນໜຶ່ງແລ້ວ ຈະຢຸດເຊົາ ແລະ ຍິງປືນພາຍໃນຂອບເຂດທີ່ກຳນົດໄວ້. ຜູ້ທີ່ໄປຮອດຈຸດໝາຍປາຍທາງກ່ອນໝູ່ ຫຼືຜູ້ທີ່ໃຊ້ເວລາສັ້ນທີ່ສຸດ ກໍຈະເປັນຜູ້ຊະນະເລີດ.
ລາຍການແຂ່ງຂັນສອງລາຍການລະດູໜາວຖືກເອີ້ນວ່າເປັນລາຍການປະສົມປະສານຢ່າງສົມບູນແບບລະຫວ່າງຄວາມເຄື່ອນແໜງ ແລະຄວາມສະຖິດ, ເໝືອນດັ່ງການລ່າເນື້ອຢູ່ທົ່ງຫິມະ ເຊິ່ງເຮັດໃຫ້ພວກເຮົາສາມາດສຳຜັດກັບຄວາມໄວ ແລະຄວາມຕື່ນເຕັ້ນ ເພາະວ່ານັກກິລາບໍ່ພຽງແຕ່ຕ້ອງແລ່ນສະກີດ້ວຍຄວາມໄວສູງເທົ່ານັ້ນ, ຍັງຕ້ອງຢຸດສະກີ ເພື່ອຍິງປືນດ້ວຍຄວາມໃຈເຢັນອີກດ້ວຍ.
ຄຳເຫັນ
0