ວິທີເຮັດໃຫ້ຜິວຂາວແລະງາມ
(GMT+08:00) 2012-05-15 16:35:21 cri
ກັນແດດບໍ່ພຽງແຕ່ຕ້ອງເອົາໃຈໃສ່ທາງນອກ, ການບຳລຸງທາງໃນກໍ່ສຳຄັນຄືກັນ. ສະນັ້ນ, ຕໍ່ໄປ, ວິໄລວັນຈະນຳສະເໜີໃຫ້ທ່ານຮູ້ຈັກອາຫານທີ່ຊ່ອຍເຮັດໃຫ້ຜິວ ສາມາດປ້ອງກັນແດດໄດ້, ອາຫານເຫຼົ່ານີ້, ເມື່ອກິນເລື້ອຍໆຈະເຮັດໃຫ້ຜິວຂາວ. ອາຫານປະເພດທຳອິດທີ່ຢາກແນະນຳໃຫ້ທ່ານຮູ້ກໍ່ແມ່ນໝາກເລັ່ນ, ມັນເປັນອາຫານທີ່ເຮັດໃຫ້ໜ້າຜິວສາມາດກັນແດດໄດ້ດີ. ເພາະວ່າໝາກເລັ່ນມີວິຕາມິນ C ຫຼາຍ, ວິຕາມິນ C ສາມາດເຮັດໃຫ້ສານສີດຳໜ້ອຍລົງ, ເຮັດໃຫ້ຜິວຂາວຂຶ້ນ, ແລະຍັງສາມາດຊ່ອຍກຳຈັດຝ້າຈຸດດ່າງໃຫ້ຫາຍໄປ. ແຕ່ທ່ານຕ້ອງເຂົ້າໃຈວ່າການກິນໝາກເລັ່ນທີ່ຕົ້ມສຸກແມ່ນດີກວ່າກິນໝາກເລັ່ນດິບ.
ອາຫານອີກຢ່າງໜຶ່ງທີ່ສາມາດເຮັດໃຫ້ຜິວຂາວງາມກໍ່ແມ່ນໝາກນາວ, ໝາກນາວກໍ່ມີວິຕາມິນ C ຫຼາຍຄືກັນ, ສາມາດຊ່ອຍເຮັດໃຫ້ຜິວຂາວນຽນ, ເຮັດໃຫ້ຈຸດດ່າງຈາງລົງ, ແລະຍັງສາມາດເຮັດໃຫ້ລະບົບຂັບຖ່າຍສະດວກ, ເຮັດໃຫ້ເຖົ້າຊ້າລົງ. ວິໄລວັນໄດ້ເຫັນມີຄົນໃຊ້ໝາກນາວທາຜິວເພື່ອເຮັດໃຫ້ຜິວຂາວ, ແຕ່ທີ່ຈິງແລ້ວ, ໝາກນາວຈະກັດຜິວ, ຄັນໃຊ້ນ້ຳໝາກນາວລ້ວນໆ, ບໍ່ພຽງແຕ່ບໍ່ສາມາດເຮັດໃຫ້ຜິວຂາວ, ນ້ຳໝາກນາວຍັງຈະກັດຜິວອີກຊ້ຳ, ໂດຍສະເພາະແມ່ນຜູ້ທີ່ຜິວດ້າມງ່າຍ, ຍິ່ງຕ້ອງລະວັງທີ່ສຸດໃນເວລາໃຊ້ໝາກນາວທາໜ້າຫຼືທາໂຕ.
