ວິທີເຮັດໃຫ້ຜິວຂາວແລະງາມ
(GMT+08:00) 2012-05-15 16:35:21 cri
ທ່ານອາດຈະເຄີຍໄດ້ຍິນວ່ານ້ຳສົ້ມສາມາດເຮັດໃຫ້ຜິວຂາວເນາະ, ແມ່ນແລ້ວ, ນ້ຳສົ້ມຂາວສາມາດເຮັດໃຫ້ຜິວງາມໄດ້, ແຕ່ຕ້ອງແມ່ນນ້ຳສົ້ມທີ່ເຮັດດ້ວຍເຂົ້າແທ້ໆ, ຖ້າແມ່ນນ້ຳສົ້ມທີ່ປະສົມດ້ວຍສານເຄມີ, ກໍ່ຈະບໍ່ມີບົດບາດເຮັດໃຫ້ຜິວງາມໄດ້ເລີຍ. ບັດນີ້, ວິໄລວັນຈະແນະນຳວິທິໃຊ້ນ້ຳສົ້ມຂາວເສີມຄວາມງາມຈັກສອງສາມວິທີ. ວິທີງ່າຍກວ່າໝູ່ກໍ່ແມ່ນ: ເອົານ້ຳສົ້ມຂາວ 1 ສ່ວນກັບນ້ຳແຮ່ 10 ສ່ວນປະສົມໃຫ້ເຂົ້າກັນ, ກ່ອນນອນ, ຫຼັງຈາກລ້າງໜ້າແລ້ວ, ໃຫ້ເອົານ້ຳປແຮ່ທີ່ະສົມກັບນ້ຳສົ້ມນັ້ນໜ້ອຍໜຶ່ງ, ມາຕົບໃສ່ໜ້າຄ່ອຍໆ, ວິທີນີ້ກໍ່ສາມາດເຮັດໃຫ້ຜິວຂາວນຽນ.
ນອກນັ້ນ, ໃນເວລາລ້າງໜ້າ, ໃຫ້ປະສົມນ້ຳສົ້ມຂາວໜຶ່ງບ່ວງນ້ອຍລົງໃສ່ໃນນ້ຳ, ລ້າງໜ້າ, ເຮັດແບບນີ້ເລື້ອຍໆ, ຈະສາມາດເຮັດໃຫ້ຜິວຂາວແລະນຸ້ມ. ໃຊ້ນ້ຳສົ້ມສະຜົມຍັງສາມາດເຮັດໃຫ້ຜົມງາມ, ໃນເວລາສະຜົມ, ໃຫ້ຖອກນ້ຳສົ້ມຂາວໜ້ອຍໜຶ່ງລົງໃສ່ໃນນ້ຳສະອາດ, ແລ້ວເອົາມາສະຜົມ, ປະໄວ້ 20 ນາທີ, ແລ້ວໃຊ້ນ້ຳສະອາດລ້າງອອກ, ວິທີນີ້ສາມາດເຮັດໃຫ້ຜົມທີ່ເຄີຍແຫ້ງກອບກັບມາໝື່ນແລະມີເງົາງາມ.
ນອກຈາກນ້ຳສົ້ມແລ້ວ, ຍັງມີສິ່ງດີດີສຳລັບເສີມຄວາມງາມທີ່ລາຄາບໍ່ເພງ, ນັ້ນກໍ່ຄື: ນ້ຳລ້າງເຂົ້າ, ວິທີເຮັດກໍ່ງ່າຍທີ່ສຸດ, ຈົ່ງນ້ຳລ້າງເຂົ້າເທື່ອທຳອິດແລະເທື່ອທີສອງໄວ້, ເອົາມາລ້າງໜ້າ, ຈະເຮັດໃຫ້ຜິວຂາວນຽນແລະບໍ່ມັນ. ທີ່ຈິງແລ້ວ, ນີ້ແມ່ນຜູ້ເຖົ້າເພິ່ນໃຊ້ມາຕັ້ງແຕ່ສະໄໝບູຮານ, ແຕ່ພັດມີຫຼັກອ້າງອີງທາງວິທະຍາສາດ. ເປັນຫຍັງນ້ຳລ້າງເຂົ້າມີຜົນດີຕໍ່ຜິວແລະຜົມ, ແມ່ນຍ້ອນວ່າໃນນ້ຳລ້າງເຂົ້າມີ "ວິຕາມິນທີ່ສາມາດລະລາຍໃນນ້ຳ" ແລະມີ "ແຮ່ທາດ", ທັງມີວິຕາມິນ B ຫຼາຍເປັນພິເສດ. ພ້ອມກັນນັ້ນ, ຍ້ອນວ່າມັນເປັນສິ່ງທຳມະຊາດທີ່ສຸດ, ສະນັ້ນ, ມັນບໍ່ພຽງແຕ່ເໝາະສຳລັບຜິວທີ່ແພ້ງ່າຍ, ໃຊ້ທຸກມື້ກໍ່ບໍ່ມີບັນຫາ.
