ວິທີເຮັດໃຫ້ຜິວຂາວແລະງາມ
(GMT+08:00) 2012-05-15 16:35:21 cri
ສຸຂະພາບແຂງແຮງແມ່ນເງື່ອນໄຂທີ່ຮັບປະກັນໃຫ້ຜິວງາມ, ສະນັ້ນ, ບໍ່ນອນເດິກ, ຕື່ນເຊົ້າ, ຫັດກາຍເປັນປົກກະຕິ, ບໍ່ກິນອາຫານລົດເຜັດໆເຄັມໆແມ່ນວິທີຮັກສາຜິວທີ່ງ່າຍກວ່າໝູ່, ຕ້ອງປະຕິບັດເປັນໄລຍະຍາວນານຈຶ່ງຈະໄດ້ຜົນ. ຄວາມລື້ງເຄີຍທີ່ບໍ່ດີ, ເປັນຕົ້ນແມ່ນ: ນອນເດິກເລື້ອຍໆ, ກິນອາຫານລົດເຜັດໆເຄັມໆຈະເຮັດໃຫ້ເກີດສິວ, ສີໜ້າບໍ່ງາມ, ແລະຂອບຕາດຳ.
ນອກນີ້, ຍັງຕ້ອງມີຄວາມຊິນເຄີຍໃນການຮັກສາຜິວທີ່ຖືກຕ້ອງ, ວິທີຮັກສາຜິວທີ່ງ່າຍກວ່າໝູ່ກໍ່ແມ່ນ: ກ່ອນນອນ, ລ້າງໜ້າໃຫ້ສະອາດ, ແລ້ວໃຊ້ນ້ຳບຳລຸງຜິວຕົບຄ່ອຍໆໃສ່ໜ້າ, ທາໂລຊັນບຳລຸງຜິວ, ຜູ້ຍິງທີ່ອາຍຸກາຍ 25 ປີຂຶ້ນໄປຄວນໃຊ້ຄຣີມທາຂອບຕາ, ຜູ້ທີ່ມັກແຕ່ງໜ້າຕ້ອງລ້າງເຄື່ອງສຳອາງໃຫ້ກ້ຽງທຸກຄັ້ງ, ຖ້າລ້າງບໍ່ສະອາດ, ດົນແລ້ວຈະເກີດເປັນຝ້າ. ແລະການເລືອກເຄື່ອງສຳອາງກໍ່ຕ້ອງອີງຕາມສະພາບຜິວຂອງຕົນ, ຖ້າຢາກມີຜິວຂາວງາມ, ໃຫ້ໃຊ້ເຄື່ອງສຳອາງທີ່ມີສັບພະຄຸນເຮັດໃຫ້ຜິວຂາວ, ແລະໃຊ້ເປັນປະຈຳຢ່າງຍາວນານ, ເຊື່ອວ່າ, ຜິວຂອງທ່ານກໍ່ຈະນັບມື້ນັບງາມຂຶ້ນ.
