ວິທີເຮັດໃຫ້ຜິວຂາວແລະງາມ
(GMT+08:00) 2012-05-15 16:35:21 cri
ອາຫານທີ່ສາມາດເຮັດໃຫ້ຜິວຂາວນຽນອີກຊະນິດໜຶ່ງກໍ່ຄື: ປາ, ການຄົ້ນຄວ້າທາງວິທະຍາສາດປະກົດເຫັນວ່າ, ອາທິດໜຶ່ງກິນປາ 3 ເທື່ອສາມາດປ້ອງກັນຜິວບໍ່ໃຫ້ຖືກລັງສີອຸນຕຼາໄວໂອເລດທຳລາຍໄດ້. ກິນປາເລື້ອຍໆເປັນເວລາດົນນານຈະສາມາດສ້າງພູມຄຸ້ມກັນທີ່ຄ້າຍຄືໂລຊັນກັນແດດໃນຮ່າງກາຍໄດ້ຢ່າງທຳມະຊາດ, ເຮັດໃຫ້ຜິວຂາວຂຶ້ນ.
ນອກຈາກອາຫານດັ່ງກ່າວແລ້ວ, ຫຼາຍຄົນກໍ່ຮູ້ວ່າ, ເຕົ້າຮູ້ກັບນົມກໍ່ມີຜົນດີຕໍ່ຜິວ, ກິນເລື້ອຍໆສາມາດຊ່ອຍເຮັດໃຫ້ຜິວຂາວນຽນ. ແຕ່ອາຫານທັງໝົດເຫຼົ່ານີ້ບໍ່ແມ່ນກິນເທື່ອໜຶ່ງສອງເທື່ອກໍ່ຈະໄດ້ຜົນໂລດ, ຕ້ອງກິນຢ່າງສະໝ່ຳສະເໝີເປັນເວລາດົນນານຈຶ່ງຈະມີປະສິດທິຜົນ.
ຍັງມີອາຫານຈຳນວນໜຶ່ງ, ກິນແລ້ວຈະເຮັດໃຫ້ຜິວແຫຼ້, ເຊັ່ນ: ຫົວຜັກກາດຂາວ, ຜັກຊີນາລີ, ແລະຫອມປ້ອມເປັນຕົ້ນຈະເຮັດໃຫ້ຜິວດຳງ່າຍ, ສະນັ້ນ, ໃນຍາມແດດກ້າ, ບໍ່ຄວນກິນຫຼາຍ.
