ວິທີເຮັດໃຫ້ຜິວຂາວແລະງາມ
(GMT+08:00) 2012-05-15 16:35:21 cri
ວິທີໃຊ້ໝາກນາວເພື່ອເສີມຄວາມງາມທີ່ປອດໄພກວ່າແມ່ນກິນ, ຕໍ່ໄປ, ວິໄລວັນຈະນຳສະເໜີວິທີເສີມຄວາມງາມດ້ວຍການກິນໝາກນາວ. ຄືໜຶ່ງ, ລ້າງໝາກນາວໃຫ້ສະອາດ, ປາດເປັນແຜ່ນບາງໆ, ແລ້ວເອົາໃສ່ໃນຈອກ, ຕື່ມນ້ຳເຜີ້ງໃສ່ 2 ປ່ວງກາເຟ, ແລ້ວເອົານ້ຳອຸ່ນຖອກໃສ່, ແຕ່ຄວນລະວັງຢ່າໃຊ້ນ້ຳຮ້ອນເກີນໄປ, ເພາະມັນຈະທຳລາຍທາດບຳລຸງທີ່ມີຢູ່ໃນນ້ຳເຜີ້ງ, ຫຼັງຈາກນັ້ນກໍ່ຄົນໃຫ້ ເຂົ້າກັນແລ້ວກໍ່ສາມາດດື່ມໄດ້ໂລດ, ຄັນມັກກິນເຢັນ, ກໍ່ຕື່ມນ້ຳກ້ອນລົງກໍໄດ້.
ວິທີກິນໝາກນາວເພື່ອເສີມຄວາມງາມອີກວິທີໜຶ່ງກໍ່ຄື, ປາດໝາກນາວເປັນແຜ່ນບາງ, ເອົາໃສ່ໃນຖ້ວຍນ້ອຍກ່ອນ, ແລ້ວເອົານ້ຳເຜີ້ງຮວດລົງໃສ່, ແລ້ວປະໄວ້ໃນຕູ້ເຢັນ, ໃຫ້ໝາກນາວກັບນ້ຳເຜີ້ງເຊື່ອມເຂົ້າກັນດີໆ, ຕອນເຊົ້າທຸກມື້, ໃຊ້ບ່ວງຕັກເອົາໝາກນາວແຜ່ນໜຶ່ງອອກມາຊົງນ້ຳດື່ມ. ວິທີນີ້ງ່າຍ, ບໍ່ຕ້ອງໄປປາດໝາກໜາວທຸກມື້.
ແຕ່ລະມື້, ກ່ອນຈະກິນເຂົ້າເຊົ້າ, ກິນນ້ຳໝາກນາວແບບນີ້ຈອກໜຶ່ງກ່ອນ, ທັງມີບົດບາດເສີມຄວາມງາມທັງສາມາດອະນາໄມລຳໄສ້ໄດ້ອີກ. ເວົ້າສຳລັບຜູ້ຟັງທີ່ຕ້ອງນັ່ງເຮັດວຽກຢູ່ຕໍ່ໜ້າຄອມພິວເຕີເລື້ອຍໆແລະດົນໆແລ້ວ, ກິນນ້ຳໝາກນາວແບບນີ້ເລື້ອຍໆຍັງສາມາດຊ່ອຍຫຼຸດຜ່ອນຝ້າຢູ່ເທິງໃບໜ້າທີ່ເກີດຂຶ້ນຍ້ອນຖືກລັງສີຈາກຄອມເລື້ອຍໆ.
ອີກອັນໜຶ່ງ, ນ້ຳໝາກນາວຍັງສາມາດລະງັບຄວາມຢາກກິນອາຫານ, ສາມາດຊ່ອຍຫຼຸດຄວາມອ້ວນ. ແຕ່ວ່າ, ວິໄລວັນຢາກເຕືອນວ່າ, ຄົນທີ່ມັກເອື້ອມເລື້ອຍໆບໍ່ຄວນກິນນ້ຳໝາກນາວ, ເພາະໝາກນາວຈະກະຕຸ້ນກະເພາະເຮັດໃຫ້ຜະລິດກົດກະເພາະຫຼາຍ.
