ສາຍພົວພັນລະຫວ່າງລາວ-ຈີນທີ່ນັບມື້ກ້າວເຂົ້າສູ່ລວງເລິກກາຍເປັນພະລັງແຮງ ຊຸກຍູ້ການພັດທະນາລາວແລະພາກພື້ນ
ນອກນີ້, ທ່ານ ສິນລະວົງ ຄຸດໄພທູນ ຍັງໄດ້ຕີລາຄາສູງຕໍ່ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ທີ່ນຳເອົາໂອກາດການພັດທະນາມາສູ່ປະເທດຕົນໂດຍກ່າວວ່າ: "ປະເທດລາວຕັ້ງຢູ່ໃຈກາງຂອງອະນຸພາກພື້ນ,ຖືເປັນສະຖານທີ່ອັນສຳຄັນໃນເຄືອຂ່າຍ ຄົມມະນາຄົມຂອງພາກພື້ນອາຊີຕາເວັນອອກສ່ຽງໃຕ້,ລັດຖະບານຈຶ່ງໄດ້ວາງນະໂຍບາຍ ຈາກປະເທດທີ່ບໍ່ມີເສັ້ນທາງອອກສູ່ທະເລມາເປັນປະເທດໃຈກາງບໍລິການທາງຜ່ານໂດຍສະ ເພາະນະຄອນຫຼວງວຽງຈັນ ໃນຖານະເປັນໃຈກາງທາງການເມືອງ,ເສດຖະກິດ ແລະວັດທະ ນະທຳຂອງປະເທດ,ການປະຕິບັດຍຸດທະສາດດັ່ງກ່າວເປັນການເສີມຂະຫຍາຍບົດບາດທາງທີ່ຕັ້ງ ແລະ ເປັນກົນໄກສຳຄັນຕໍ່ການເຊື່ອມໂຍງເສດຖະກິດຂອງລາວກັບພາກພື້ນໃຫ້ສູງເດັ່ນຂຶ້ນ;ສຳລັບການດຳເນີນຍຸດທະສາດສະຕະວັດທີ 21 "ໜຶ່ງແລວທາງ ໜຶ່ງເສັ້ນທາງ" ນີ້ຄິດວ່າແມ່ນຫົວຄິດປະດິດສ້າງສຳຄັນຂອງຜູ້ນຳຈີນ (ປະທານ ສີ ຈີ້ນຜິງ)ເຊີ່ງສອດຄ່ອງກັບ ນະໂຍບາຍດຳເນີນການເປີດກ້ວາງປະຕິຮູບໃໝ່ຂອງສປ ຈີນ ແລະ ນະໂຍບາຍດັ່ງກ່າວກໍມີຄວາມໝາຍຕໍ່ປະເທດອ້ອມຂ້າງ,ເປັນກົນໄກການເຊື່ອມໂຍງຂອງເສດຖະກິດອາຊີຄັ້ງໃໝ່. ເສັ້ນທາງສາຍໃໝ່ທາງບົກຈາກແຂວງຢູນານມາສູ່ວຽງຈັນກໍຄືເສັ້ນທາງລົດໄຟ ລາວ-ຈີນ-ໄທ ທີ່ຈະເກີດຂຶ້ນຈະກາຍເປັນໂຄງການສຳຄັນຂອງຍຸດທະສາດສາຍໄໝສະຕະວັດທີ 21 ເຊີ່ງເປັນສະຖານີປາຍທາງ ແລະ ເປັນບ່ອນເຊື່ອມຕໍ່ໄປສູ່ປະເທດອ້ອມຂ້າງ.ເພື່ອປະຕິບັດສອງຍຸດທະສາດນັ້ນໃນຕໍ່ໜ້ານີ້,ນະຄອນຫຼວງວຽງຈັນຈະໄດ້ເຮັດຫລາຍວຽກຄື 1.ເຂົ້າຮ່ວມຈັດຕັ້ງນະໂຍບາຍ ແລະ ການແບ່ງງານຂອງລັດຖະບານໃນການສ້າງທາງລົດໄຟຈີນ-ລາວ-ໄທ; 2.ກໍາກັບ ແລະ ແກ້ໄຂບັນຫາຕ່າງໆໃນສະຖານີລົດໄຟ ແລະ ຕາມແລວເສັ້ນທາງລົດໄຟ; 3.ປັບປຸງຍົກລະດັບເສັ້ນທາງຫຼວງເລກທີ 13 ເໜືອ-13 ໃຕ້ ແລະ ຖະໜົນເຊື່ອມຕໍ່ອື່ນໆ ໃນນະຄອນຫຼວງວຽງຈັນໃຫ້ມີມາດຕະຖານສູງຂຶ້ນ ແລະ ສິ່ງສຳຄັນຕ້ອງມີການວາງແຜນໃຫ້ດີ,ກະຕຸກຊຸກຍູ້ກຳລັງແຮງສັງລວມຂອງທັງສອງຝ່າຍ ແລະ ຫຼາຍຝ່າຍໃຫ້ເຕັມສ່ວນ;4.ຊຸກຍູ້ສົ່ງເສີມ ແລະ ອຳນວຍຊ່ວຍເຫຼືອໂຄງການລົງທຶນຂອງພາກລັດ ແລະ ເອກະຊົນ ຈີນຢູ່ນະຄອນຫຼວງວຽງຈັນໃຫ້ເປັນຮູບປະທຳແລະແຂງແຮງຂຶ້ນໂດຍສະເພາະເຂດພັດທະນາກວມ ລວມໄຊເສດຖາກັບແຂວງຢຸນນານ ແລະ ໂຄງການອື່ນໆ;5.ຍົກລະດັບຄວາມຮູ້,ຄວາມສາ ມາດ,ພັດທະນາຊັບພະຍາກອນມະນຸດທັງພະນັກງານ,ປະຊາຊົນ.ພ້ອມນັ້ນກໍປັບປຸງກົນໄກບໍລິຫານ,ບໍລິການໃຫ້ດີຂຶ້ນ.ໝາຍຄວາມວ່າ:ຍຸດທະສາດຂອງສອງປະເທດສອດຄ່ອງ,ສາ ມາດຊ່ວຍໜູນເຊີ່ງກັນ ແລະ ກັນໄດ້ ແລະ ຈະກາຍເປັນແຮງກະຕຸ້ນການພັດທະນາໃນລາວ ແລະ ພາກພື້ນໃຫ້ດີຂຶ້ນຕື່ມອີກແນ່ນອນ".
ເມື່ອເວົ້າເຖິງສາຍພົວພັນລະຫວ່າງຈີນ-ອາຊຽນ, ທ່ານ ສິນລະວົງ ຄຸດໄພທູນ ກ່າວວ່າ, ລາວໃນຖານະເປັນປະທານອາຊຽນໄດ້ພະຍາຍາມຢ່າງຕັ້ງໜ້າໃນການຊຸກຍູ້ສາຍພົວພັນລະຫວ່າງຈີນ-ອາຊຽນແລະກໍຊຸກຍູ້ການຮ່ວມມືລະຫວ່າງຈີນ-ອາຊຽນໃຫ້ໄດ້ຮັບຜົນສຳເລັດທີ່ແທ້ຈິງຫຼາຍກວ່າເກົ່າ. ທ່ານກ່າວວ່າ: "+ ເພື່ອຊຸກຍູ້ການກໍ່ສ້າງປະຊາຄົມອາຊຽນ,ສປປ ລາວ ຈະຊັກຊວນປະເທດສະມາຊິກອາ ຊຽນໃຫ້ສືບຕໍ່ເປັນປຶກແຜ່ນ,ຈັດຕັ້ງກົດບັດອາຊຽນ-ຈີນກໍຄືວິໄສທັດປະຊາຄົມອາຊຽນ 2025 ແລະ ບັນດາແຜນແມ່ບົດສຳລັບ 3 ເສົາຄ້ຳ(ປະຊາຄົມການເມຶອງ-ຄວາມໝັ້ນຄົງ,ປະຊາຄົມເສດຖະກິດ ແລະ ປະຊາຄົມວັດທະນະທຳ-ສັງຄົມ)
+ ເພື່ອຮັດແໜ້ນການພົວພັນຮ່ວມມືລະຫວ່າງປະຊາຄົມອາຊຽນກັບຈີນ,ສປປ ລາວ ຈະຊັກຊວນປະເທດສະມາຊິກອາຊຽນໃຫ້ເຂົ້າຮ່ວມຍຸດທະສາດເສັ້ນທາງສາຍໄໝສະຕະວັດທີ 21 ທັງທາງນ້ຳ,ທາງບົກ ແລະ ທາງອາກາດ,ແກ້ໄຂບັນຫາການເມືອງເຂດແດນທາງທະເລບາງ ປະເທດຂອງອາຊຽນກັບຈີນໃຫ້ເປັນໄປຕາມຈິດໃຈອາຊຽນກັບຈີນເຫັນພ້ອມນຳກັນແລ້ວ.ໃນ ກອງປະຊຸມສຸດຍອດອາຊຽນຄັ້ງທີ 28, 29 ນີ້ ໄດ້ພ້ອມກັນປຶກສາຫາລື ແລະ ຮັບຮອງເອົາ 4 ເອກະສານສໍາຄັນຄື: 1.ຖະແຫຼງການຮ່ວມ ກອງປະຊຸມສຸດຍອດສະເຫຼີມສະຫຼອງການພົວພັນອາຊຽນ-ຈີນ ຄົບຮອບ 25 ປີ, 2 ຖະແຫຼງການຮ່ວມລະຫວ່າງອາຊຽນ ແລະ ຈີນ ວ່າດ້ວຍການສົ່ງເສີມການຮ່ວມມື ເພື່ອເສີມສ້າງຂີດຄວາມສາມາດດ້ານການຜະລິດ, 3. ຖະແຫຼງການຮ່ວມວ່າດ້ວຍການຈັດຕັ້ງປະຕິບັດລະບຽບການປະພຶດ ໃນທະເລຈີນໃຕ້ ແລະ 4.ລະບຽບສາຍດ່ວນ ລະຫວ່າງ ຫົວໜ້າເຈົ້າໜ້າທີ່ອາວຸໂສກະຊວງການຕ່າງປະເທດ ຂອງບັນດາສະມາຊິກອາຊຽນ ແລະ ຈີນ ສຳລັບກໍລະນີສຸກເສີນທາງທະເລ ໃນການຈັດຕັ້ງປະຕິບັດຖະແຫຼງການ ວ່າດ້ວຍການປະພຶດຂອງບັນດາຝ່າຍຢູ່ທະເລຈີນໃຕ້. ເອກະສານເຫຼົ່ານີ້ ຈະເປັນພື້ນຖານສຳຄັນການຮ່ວມມືອາຊຽນ-ຈີນ ໃນຕໍ່ໜ້າ. ນອກຈາກນັ້ນ, ກໍໄດ້ເຫັນດີສືບຕໍ່ຈັດຕັ້ງປະຕິບັດບັນດາກິດຈກຳສະເຫຼີມສະຫຼອງການຮ່ວມມືອາຊຽນ-ຈີນ ແລະ ເຫັນດີກຳນົດເອົາປີ 2017 ເປັນປີຮ່ວມມືການທ່ອງທ່ຽວອາຊຽນ-ຈີນ. ສຳລັບນະຄອນຫຼວງວຽງຈັນເອງໃນຖານະເປັນນະຄອນມິດຕະພາບກັບຫຼາຍແຂວງ, ນະຄອນຂອງ ສປ ຈີນ ແລະ ໃນນາມເປັນປະທານສະມາຄົມມິດຕະພາບ ລາວ-ຈີນ ຂັ້ນສູນກາງຈະສືບຕໍ່ເພີ່ມທະວີເສີມສ້າງມິດຕະພາບ ແລະ ການຮ່ວມມືຂອງສອງປະເທດໃຫ້ດີຍິ່ງຂຶ້ນ ໂດຍຈະຈັດຕັ້ງປະຕິບັດໂຄງການຮ່ວມມືຕ່າງໆ ທີ່ໄດ້ຕົກລົງຮ່ວມກັນແລ້ວນັ້ນໃຫ້ເປັນຮູບປະທຳ, ນຳເອົາຜົນປະໂຫຍດຕົວຈິງມາໃຫ້ປະຊາຊົນຂອງສອງຊາດພວກເຮົາ.ພິເສດໃນເດືອນ 11 ທີ່ຈະມາເຖິງນີ້,ນະຄອນຫຼວງວຽງຈັນ ຈະໄດ້ເປັນເຈົ້າພາບຈັດກອງປະຊຸມບັນດາເຈົ້າຄອງນະຄອນອາຊຽນ ຄັ້ງທີ 4 ພ້ອມໆກັນກັບການຈັດພິທີສະເຫຼີມສະຫຼອງການກໍ່ສ້າງພະທາດຫຼວງ ຄົບຮອບ 450 ປີ ແລະ ວາງສະແດງສິນຄ້າສາກົນ.ໃນໂອກາດນີ້ ກໍຈະເຊີນເອົາບັນດາແຂວງ ແລະ ນະຄອນມິດຕະພາບຂອງ ສປ ຈີນ ມາຮ່ວມວາງສະແດງ".
1 2 3
