ໂອກາດປີນີ້ເປັນປີແຫ່ງການສ້າງຕັ້ງ CRI ຄົບຮອບ 75 ປີແລະການກະຈາຍສຽງອອກອາກາດຂອງ CRIFM93 ປະຈຳວຽງຈັນຄົບຮອບ 10 ປີ, ທ່ານ ສິນລະວົງ ກໍຕີລາຄາສູງທີ່ CRI ໄດ້ເສີມຂະຫຍາຍບົດບາດອັນສຳຄັນໃນການຊຸກຍູ້ມິດຕະພາບແລະການຮ່ວມມືລະຫວ່າງລາວ-ຈີນ. ທ່ານກ່າວວ່າ: "ຄືດັ່ງໄດ້ກ່າວມາແຕ່ຂ້າງຕົ້ນແລ້ວວ່າວິທະຍຸ CRI ແມ່ນສະຖານີວິທະຍຸທີ່ໃຫຍ່ ແລະ ມີຊື່ສຽງໜຶ່ງຂອງ ສປ ຈີນ ທີ່ໄດ້ກະຈາຍສຽງ ແລະ ດຶງດູດຜູ້ຟັງທົ່ວໂລກ, ເປັນສື່ທີ່ໄດ້ມີຄວາມພະຍາຍາມສູງໃນການເຮັດວຽກງານເປັນຂົວຕໍ່ ແລະ ທີ່ສຳຄັນໃນການເສີມສ້າງມິດຕະພາບ ລະຫວ່າງຈີນກັບນາໆຊາດ ກໍຄືຈີນ ແລະ ລາວ, ໄດ້ປະກອບສ່ວນໂຄສະນາເຜີຍແຜ່ຜົນຂອງການຢ້ຽມຢາມຂອງການນຳຂັ້ນສູງຂອງ ສອງພັກ-ສອງລັດ ລາວ ແລະ ຈີນ ກໍຄືການພັດທະນາ ແລະ ການລົງທຶນຮ່ວມກັນຂອງ 2 ປະເທດ, ພ້ອມກັນນັ້ນ ກໍຍັງໄດ້ນຳເອົາສາລະຄວາມຮູ້ທີ່ເປັນປະໂຫຍດ ແລະ ຄວາມບັນເທີງອັນຫຼາກຫຼາຍມາສູ່ປະະຊາຊົນລາວໄດ້ເປັນຢ່າງດີ. ຊຶ່ງຕະຫຼອດ 75 ປີ. CRI ໄດ້ອອກອາກາດເປັນພາສາລາວເຖິງ 43.200 ຊົ່ວໂມງ, ຄາດວ່າມີຜູ້ຕິດຕາມຮັບຟັງຫຼາຍສິບລ້ານເທື່ອຄົນ. ເນື່ອງໃນອການວິທະຍຸສາກົນແຫ່ງປະເທດຈີນ CRI FM 93 MHz ສ້າງຕັ້ງຄົບຮອບ 75 ປີ ແລ ການກະຈາຍສຽງອອກອາກາດພາສາລາວລະບົບ AM ຄົບຮອບ 60 ປິ ແລະ ລະບົບ FM ຄົບຮອບ 10 ປີ,ຂໍອວຍພອນໃຫ້ ເປັນກະບອກສຽງສໍາຄັນທີ່ນໍາໜ້າຂອງໂລກຕະຫຼອດໄປ. ອວຍພອນພະນັກງານທຸກຄົນຂອງ CRI ມີພະລະນາໄມສົມບູນ,ເຂັ້ມແຂງພ້ອມກັນເຮັດສຳເລັດໜ້າທີ່ອັນມີກຽດຂອງຕົນ. ອວຍພອນໃຫ້ສາຍພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງສອງປະເທດ ລາວ-ຈີນ ຈົ່ງໝັ້ນຄົງຂະໜົງແກ່ນຕະຫຼອດໄປ(ຈຸ່ງ-ຫຼາວ ໂຢ້ອີຫວັ້ນຊຸ້ຍ)" .