ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ9ມີນານີ້, ເວທີປຶກສາຫາລືການພົວພັນຄູ່ເຈລະຈາຈີນ-ອາຊຽນຈາກາກຕາ2021ໄດ້ຈັດກິດຈະກຳຄັ້ງທີໜຶ່ງຢ່າງສຳເລັດຜົນ. ຜູ້ຊ່ຽວຊານແລະນັກວິຊາການທີ່ມາຈາກຈີນແລະປະເທດອາຊຽນໄດ້ຮ່ວມກັນອວຍພອນວັນສ້າງຕັ້ງການພົວພັນຄູ່ເຈລະຈາຈີນ-ອາຊຽນຄົບຮອບ 30ປີ ແລະດຳເນີນການປຶກສາຫາລືທີ່ສ້າງສັນກ່ຽວກັບບົດຮຽນທີ່ດີໃນການຂະຫຍາຍການພົວພັນຢ່າງວ່ອງໄວລະຫວ່າງສອງຝ່າຍ.
ໃນເວລາທົບທວນຄືນຜົນງານການຂະຫຍາຍການພົວພັນລະຫວ່າງສອງຝ່າຍ ນັກວິຊາການທັງຫຼາຍກ່າວວ່າ,ຕະຫຼອດໄລຍະ30ປີຜ່ານມານີ້,ການຮ່ວມມືຈີນ-ອາຊຽນໄດ້ດຳເນີນໄປຢູ່ໃນຫຼາຍຂົງເຂດ,ການຮ່ວມມືເສດຖະກິດການຄ້າກໍນັບມື້ນັບແໜ້ນແຟ້ນ ເຊິ່ງໄດ້ກາຍເປັນກຳລັງຊຸກຍູ້ທີ່ສຳຄັນໃຫ້ແກ່ການຂະຫຍາຍການພົວພັນລະຫວ່າງສອງຝ່າຍ. ໂດຍຜະເຊີນກັບສະພາບພະຍາດໂຄວິດ19ທີ່ແຜ່ລະບາດຢ່າງກະທັນຫັນ,ຈີນແລະປະເທດອາຊຽນໄດ້ເອົາໃຈໃສ່ຕິດຕາມແລະໃຫ້ການຊ່ວຍເຫຼືອເຊິ່ງກັນແລະກັນ,ຮ່ວມທຸກຮ່ວມສຸກນຳກັນ,ການຮ່ວມມືດ້ານສາທາລະນະສຸກກໍໄດ້ກາຍເປັນແມ່ແຮງໃໝ່ໃນການຮ່ວມມືລະຫວ່າງຈີນ-ອາຊຽນ.
ຈີນແລະປະເທດອາຊຽນມີເປົ້າໝາຍພັດທະນາຮ່ວມກັນ,ໄດ້ແບກຫາບພາລະໜ້າທີ່ທີ່ສຳຄັນຮ່ວມກັນ,ສາມາດສຸມກຳລັງເຂົ້າໃນການຄົ້ນຄວ້າຂົງເຂດການຮ່ວມມືໃໝ່ ເຊັ່ນ: ການປ່ຽນແປງຂອງດິນຟ້າອາກາດ, ການອະນຸລັກສິ່ງແວດລ້ອມ,ເສດຖະກິດໝູນວຽນ, ຂະນະດຽວກັນ ຍັງຕ້ອງຍຶດໝັ້ນຈິດໃຈສົນທະນາແລະປຶກສາຫາລືກັນ, ແກ້ໄຂບັນຫາທີ່ລໍ່ແຫຼມໃຫ້ເໝາະສົມ ເຊັ່ນ: ບັນຫາທະເລຈີນໃຕ້ເປັນຕົ້ນ,ຊຸກຍູ້ໃຫ້ການພົວພັນລະຫວ່າງຈີນ-ອາຊຽນກ້າວໄປໜ້າຢ່າງບໍ່ຢຸດຢັ້ງ.
ຄຳເຫັນ
0