ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂ່າວສານຣອຍເຕີໄດ້ນຳເອົາຂໍ້ມູນຫຼ້າສຸດຂອງບໍລິສັດ Refinitiv ເຊິ່ງແມ່ນຜູ້ບໍລິການຂໍ້ມູນທາງດ້ານການເງິນມາແຈ້ງໃຫ້ຮູ້ວ່າ, ຈຳນວນການນຳເຂົ້ານ້ຳມັນສຳເລັດຮູບຂອງມຽນມາໃນເດືອນກຸມພາມີເຖິງ287ພັນໂຕນ,ເປັນຈຸດຕ່ຳສຸດນັບແຕ່ເດືອນສິງຫາປີ 2017 ເປັນຕົ້ນມາ. ນັບແຕ່ທ້າຍເດືອນມັງກອນເປັນຕົ້ນມາ,ລາຄາຂອງນ້ຳມັນແອັດຊັງແລະກາຊວນພາຍໃນປະເທດມຽນມາໄດ້ຖີບສູງຂຶ້ນ36-37%.
ຕາມຂ່າວໃຫ້ຮູ້ວ່າ,ຍ້ອນຂາດຄວາມສາມາດໃນການກັ່ນນ້ຳມັນ,ນ້ຳມັນສຳເລັດຮູບຂອງມຽນມາປະມານ98%ຕ້ອງອາໄສການນຳເຂົ້າ. ໃນເດືອນກຸມພາ ຈຳນວນການນຳເຂົ້ານ້ຳມັນສຳເລັດຮູບໄດ້ຫຼຸດລົງ ສາເຫດຕົ້ນຕໍແມ່ນຍ້ອນວ່າ ທະນາຄານພາຍໃນປະເທດມຽນມາ ສ່ວນຫຼາຍໄດ້ຢຸໂຈະການເຮັດທຸລະກິດທາງດ້ານການເງິນຊົ່ວຄາວ,ພໍ່ຄ້າຜູ້ສະໜອງນ້ຳມັນບໍ່ຮັບຮອງການຊຳລະຜ່ານບັດສິນເຊື່ອ,ຮັບຮອງພຽງແຕ່ການຄ້າຂາຍໂດຍໂອນເງິນຜ່ານທາງທະນາຄານເທົ່ານັ້ນ, ພໍ່ຄ້ານຳເຂົ້າຂອງມຽນມາຈຶ່ງບໍ່ມີເງິນສົດທີ່ພຽງພໍເພື່ອຊື້ນ້ຳມັນ.
ຂໍ້ມູນສະແດງໃຫ້ເຫັນວ່າ, ໃນເດືອນກຸມພາ ຈຳນວນການນຳເຂົ້ານ້ຳມັນກາຊວນໄດ້ຫຼຸດລົງ63%ເມື່ອທຽບກັບເດືອນມັງກອນ,ສ່ວນຈຳນວນການນຳເຂົ້ານ້ຳມັນແອັດຊັງໄດ້ຫຼຸດລົງ 40%.
ຄຳເຫັນ
0