ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ມີນານີ້, ສົມເດັດ ອັບດຸນລາ ອາຮາມັດ ຊາຮາ ລາຊາທິບໍດີຂອງມາເລເຊຍໄດ້ຕ້ອນຮັບການເຂົ້າຍື່ນສານຕາຕັ້ງຂອງທ່ານ ໂອ່ວຢາງຢູ້ຈີ້ງ ເອກອັກຄະລັດຖະທູດຈີນປະຈຳມາເລເຊຍຄົນໃໝ່ຢູ່ພະລາຊະວັງແຫ່ງຊາດກົວລາລຳເປີ. ສັມເດັດ ອັບດຸນລາ ກ່າວວ່າ: ມິດຕະພາບອັນເປັນມູນເຊື້ອລະຫວ່າງມາເລເຊຍແລະຈີນໄດ້ມີມາແຕ່ບູຮານນະການ. ສອງຝ່າຍມີຄວາມໄວ້ເນື້ອເຊື່ອໃຈກັນທາງການເມືອງທີ່ດີ, ມີການປະສານສົມທົບດ້ານຜົນປະໂຫຍດຕໍ່ກັນຢ່າງແໜ້ນແຟ້ນແລະປະຊາຊົນສອງປະເທດກໍມີຄວາມເຂົ້າໃຈແລະມີຄວາມສະໜິດສະໜົມກັນ. ຫວັງວ່າການພົວພັນລະຫວ່າງມາເລເຊຍ-ຈີນຈະສືບຕໍ່ກ້າວຂຶ້ນສູ່ລະດັບໃໝ່, ເພື່ອສ້າງຄວາມຜາສຸກໃຫ້ແກ່ປະຊາຊົນ ສອງປະເທດໄດ້ດີກວ່າເກົ່າ.
ທ່ານ ໂອ່ວຢາງຢູ້ຈິ້ງ ກ່າວວ່າ: ການພົວພັນມິດຕະພາບລະຫວ່າງຈີນ-ມາເລເຊຍມີມາເປັນເວລາດົນນານແລ້ວ, ເມື່ອຜະເຊີນໜ້າກັບການແຜ່ລະບາດຂອງພະຍາດໂຄວິດ-19, ສອງປະເທດໄດ້ໃຫ້ການຊ່ວຍເຫຼືອແລະຊ່ວຍຊູຍູ້ໜູນກັນ, ຜ່ານຜ່າຄວາມຫຍຸ້ງຍາກຕ່າງໆນາໆ ເຊິ່ງໄດ້ສະແດງໃຫ້ເຫັນເຖິງໄມຕີຈິດມິດຕະພາບຖານອ້າຍນ້ອງລະຫວ່າງສອງຝ່າຍດ້ວຍການກະທຳຕົວຈິງ. ທ່ານກ່າວວ່າຈີນຈະສຸມທຸກກຳລັງຢ່າງສຸດຂີດເພື່ອຜັນຂະຫຍາຍເນື້ອໃນຈິດໃຈຂອງການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນ-ມາເລເຊຍໃຫ້ສູງຂຶ້ນ,ປັບປຸງແລະເສີມຂະຫຍາຍມິດຕະພາບອັນເປັນມູນເຊື້ອລະຫວ່າງປະຊາຊົນຂອງສອງຊາດໃຫ້ດີຂຶ້ນກວ່າເກົ່າ.
ຄຳເຫັນ
0