ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ເມສານີ້, ກິດຈະກຳຮັດແໜ້ນມິດຕະພາບດ້ານການປ້ອງກັນປະເທດຢູ່ເຂດຊາຍແດນລະຫວ່າງຈີນ-ຫວຽດນາມຄັ້ງທີ 6 ໄດ້ຈັດຂຶ້ນຢູ່ເມືອງຕຸ່ງຊີ່ງເຂດປົກຄອງຕົນເອງເຜົ່າຈວ້າງກວາງຊີຈີນແລະເມືອງບິນລຸຍແຂວງກວາງນິງຂອງຫວຽດນາມກໍຄືດ່ານທີ່ກ່ຽວຂ້ອງ, ທ່ານ ເວີ້ຍເຟີ້ງເຫີ ທີ່ປຶກສາແຫ່ງລັດທັງເປັນລັດຖະມົນຕີກະຊວງປ້ອງກັນປະເທດຈີນ ແລະ ທ່ານ ຟານວັນກຽງ ລັດຖະມົນຕີກະຊວງປ້ອງກັນປະເທດຫວຽດນາມຕ່າງກໍໄດ້ນຳພາຄະນະຜູ້ແທນເຂົ້າຮ່ວມ.
ໃນການພົບປະ, ທ່ານ ເວີ້ຍເຟີ້ງເຫີ ກ່າວວ່າ: ໃນຊຸມປີຜ່ານມາ, ພາຍໃຕ້ການຊີ້ນຳນຳພາທາງຍຸດທະສາດຈາກທ່ານເລຂາທິການໃຫຍ່ສີຈິ້ນຜິງແລະທ່ານເລຂາທິການໃຫຍ່ຫງວນຟູຈ້ອງ, ການພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນ-ຫວຽດນາມໄດ້ຮັບການຂະຫຍາຍຕົວເຂົ້າສູ່ລວງເລິກຢ່າງບໍ່ຢຸດຢັ້ງ. ຈີນຍິນດີສຸມຄວາມພະຍາຍາມຮ່ວມກັບຫວຽດນາມ, ເພີ່ມທະວີການຮ່ວມມືຢູ່ເຂດຊາຍແດນລະຫວ່າງສອງປະເທດໃຫ້ກ້າວຂຶ້ນສູ່ລະດັບສູງກວ່າເກົ່າ,ເພີ່ມພະລັງແຮງເຂົ້າໃນການພັດທະນາການພົວພັນລະຫວ່າງສອງຊາດ-ສອງກອງທັບໃຫ້ແໜ້ນແຟ້ນກວ່າເກົ່າ.
ທ່ານ ຟານວັນກຽງ ກ່າວວ່າ: ຫວຽດນາມຍິນດີຮ່ວມກັບຈີນເພີ່ມທະວີການຮ່ວມມືດ້ານການລາດຕະເວນຮ່ວມ,ການຮັບມືກັບໄພທຳມະຊາດ,
ການປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ແລະການຮ່ວມມືດ້ານອື່ນໆ,ເພື່ອປົກປັກຮັກສາສັນຕິພາບ,ສະຖຽນລະພາບ,ຄວາມຈະເລີນຮຸ່ງເຮືອງແລະການພັດທະນາຢູ່ເຂດຊາຍແດນລະຫວ່າງສອງປະເທດຢ່າງມີປະສິດທິຜົນ.
ຄຳເຫັນ
0