ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພາຍຫຼັງອົງການWHOອະນຸມັດຈັດເອົາວັກຊີນໂຄວິດ-19ຂອງບໍລິສັດຊີໂນແວັກໄບໂອເທັກຈີນເຂົ້າໃນບັນຊີລາຍຊື່ນຳໃຊ້ໃນສະພາບສຸກເສີນແລ້ວ,ພາກສ່ວນສາທາລະນະສຸກສິງກະໂປກ່າວວ່າ: ປະເທດຕົນຈະອະນຸຍາດໃຫ້ຜູ້ປະກອບການດ້ານການປິ່ນປົວພະຍາດພາກນັກທຸລະກິດຢາປິ່ນປົວເອກະຊົນນຳເຂົ້າວັກຊີນຊີໂນແວັກ. ຂ່າວນີ້ໄດ້ຮັບຄວາມຍ້ອງຍໍຈາກປະຊາຊົນປະເທດຕົນ.
ວັນທີ31ພຶດສະພາແລ້ວນີ້ ທ່ານອອງເຢກັງ ລັດຖະມົນຕີກະຊວງສາທາລະນະສຸກສິງກະໂປໄດ້ກ່າວວ່າ: ຈະອະນຸຍາດໃຫ້ຜູ້ປະກອບການດ້ານການປິ່ນປົວພະຍາດພາກເອກະຊົນນຳເຂົ້າວັກຊີນທີ່WHOໄດ້ຈັດເຂົ້າໃນບັນຊີລາຍຊື່ນຳໃຊ້ໃນສະພາບສຸກເສີນດ້ວຍລະບຽບການພິເສດ. ຮອດວັນທີ1ມິຖຸນານີ້ ວັກຊີນຊີໂນແວັກຂອງຈີນກໍຖືກຈັດເຂົ້າໃນບັນຊີລາຍຊື່ດັ່ງກ່າວແລ້ວ. ຕໍ່ມາ ທ່ານອອງເຢກັງກ່າວວ່າ: ອົງການປິ່ນປົວພະຍາດທີ່ມີໃບອະນຸຍາດສາມາດຍື່ນຄຳຮ້ອງຕໍ່ກະຊວງສາທາລະນະສຸກ ເພື່ອສະໜອງວັກຊີນຊີໂນແວັກ2ແສນຫຼອດທີ່ມີຢູ່ໃນສິງກະໂປໃນປັດຈຸບັນໃຫ້ຜູ້ຕ້ອງການສັກວັກຊີນ.
ໜັງສືພິມທູເດສິງກະໂປໄດ້ຊີ້ໃຫ້ເຫັນເປັນພິເສດວ່າ,ພາຍຫຼັງວັກຊີນຊີໂນແວັກຖືກຈັດເຂົ້າໃນບັນຊີລາຍຊື່ນຳໃຊ້ໃນສະພາບສຸກເສີນແລ້ວ,ປະຊາຊົນທີ່ມີປະຫວັດການແພ້ຢາ ກໍເລີ່ມມີທາງເລືອກໃໝ່ສຳລັບການສັກວັກຊີນ.
ຄຳເຫັນ
0