ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງຈາກວ່າ ສະພາບພະຍາດໂຄວິດ-19ຍັງສືບຕໍ່ແຜ່ລະບາດ,ຈຳນວນຜູ້ຖືກບົ່ງມະຕິເປັນພະຍາດໂຄວິດ-19ເພີ່ມຂຶ້ນເລື້ອຍໆ,ນະຄອນຫຼວງພະນົມເປັນປະເທດກຳປູເຈຍຈຶ່ງເລີ່ມປະຕິບັດມາດຕະການປ້ອງກັນພະຍາດສະບັບໃໝ່,ຫ້າມເຄື່ອນໄຫວກິລາແລະບັນເທີງນັບແຕ່ວັນທີ3ມິຖຸນານີ້ເປັນຕົ້ນໄປ.
ຕອນຄ່ຳວັນທີ2ມິຖຸນານີ້,ທ່ານຄວງສະແຣງ ເຈົ້າຄອງນະຄອນຫຼວງພະນົມເປັນໄດ້ປະກາດໃຊ້ມາດຕະການການບໍລິຫານເພື່ອປ້ອງກັນພະຍາດເປັນເວລາ14ວັນໃນທົ່ວນະຄອນ ເຊິ່ງຈະເລີ່ມຂຶ້ນແຕ່ວັນທີ3-16ມິຖຸນານີ້. ຍ້ອນມາດຕະການດັ່ງກ່າວ,ຂະແໜງການທີ່ມີຄວາມສ່ຽງສູງນັ້ນຕ້ອງຢຸດໃຫ້ບໍລິການຊົ່ວຄາວ,ຫ້າມເຕົ້າໂຮມກັນນັບແຕ່15ຄົນຂຶ້ນໄປ.
ວັນທີ3ມິຖຸນານີ້ ທ່ານໂກອຸດເຊ ຮອງເຈົ້າຄອງນະຄອນຫຼວງພະນົມກ່າວວ່າ: ເຖິງວ່າສະພາບພະຍາດໂຄວິດ-19ໄດ້ຮັບການຄວບຄຸມໄວ້ໄດ້ແລ້ວ,ແຕ່ຈຳນວນຜູ້ຖືກບົ່ງມະຕິເປັນພະຍາດຍັງເພີ່ມຂຶ້ນຕື່ມອີກຫຼາຍຢູ່.ສະນັ້ນ,ອົງການປົກຄອງນະຄອນຈຶ່ງໄດ້ປະກາດມາດຕະການປ້ອງກັນພະຍາດສະບັບໃໝ່. ທ່ານກ່າວວ່າ: ຮ້ານອາຫານທີ່ຂາຍເຫຼົ້າຍັງສາມາດເຮັດທຸລະກິດໄດ້ປົກກະຕິ ຄືເກົ່າ,ບໍ່ຖືກຈຳກັດ,ແຕ່ຜູ້ປະກອບການຕ້ອງປະຕິບັດຕາມຂໍ້ກຳນົດໃນການປ້ອງກັນພະຍາດຢ່າງເຂັ້ມງວດ.
ຄຳເຫັນ
0