ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ມິຖຸນານີ້, ທ່ານເຕໂດໂຣ ລອກຊິນ ລັດຖະມົນຕີກະຊວງການຕ່າງປະເທດຟິລິບປິນປະກາດວ່າ, ທ່ານປະທານາທິບໍດີດູເຕີເຕໄດ້ຕັດສິນໃຈເລື່ອນການຍົກເລີກ “ສັນຍາກ່ຽວກັບການຢ້ຽມຢາມຂອງກອງທະຫານ” ກັບອາເມຣິກາເທື່ອທີ 3 ອອກໄປອີກ 6 ເດືອນ.
ເດືອນກຸມພາປີ 2020, ລັດຖະບານຟິລິບປິນເຄີຍປະກາດວ່າຈະຍົກເລີກ “ສັນຍາກ່ຽວກັບການຢ້ຽມຢາມຂອງກອງທະຫານ” ທີ່ເຊັນກັບອາເມຣິກາ, ແຕ່ຫຼັງຈາກນັ້ນ ຟິລິບປິນສະເໜີວ່າ “ຍ້ອນສະຖານະການພາກພື້ນໃນປັດຈຸບັນເກີດມີການປ່ຽນແປງ”, ນັບແຕ່ວັນທີ 1 ມິຖຸນາປີ 2020 ຈິ່ງເລື່ອນການຍົກເລີກສັນຍາດັ່ງກ່າວອອກໄປອີກ 6 ເດືອນ. ວັນທີ 11 ພະຈິກປີ 2020, ຟິລິບປິນປະກາດວ່າຈະເລື່ອນການຍົກເລີກສັນຍາອອກໄປອີກ 6 ເດືອນອີກເທື່ອໜຶ່ງ.
“ສັນຍາກ່ຽວກັບການຢ້ຽມຢາມກອງທະຫານ” ແມ່ນສັນຍາທາງການທະຫານສຳຄັນສະບັບໜຶ່ງທີ່ຟິລິບປິນ ກັບ ອາເມຣິກາໄດ້ເຊັນກັນໃນປີ 1998. ສັນຍາສະບັບນີ້ໄດ້ກຳນົດເງື່ອນໄຂ, ຂອບເຂດການເຄື່ອນໄຫວ ແລະ ຄວາມສະດວກໃນການຕ້ອນຮັບກອງທະຫານ, ບຸກຄົນທີ່ກ່ຽວຂ້ອງທາງການທະຫານ ພ້ອມທັງອາວຸດຍຸດໂທປະກອນທາງການທະຫານຂອງອາເມຣິກາທີ່ເຂົ້າສູ່ຟິລິບປິນ, ໃນນັ້ນ ລວມທັງເນື້ອໃນກ່ຽວກັບການຊ້ອມຣົບຂອງສອງປະເທດ. ອີງຕາມສັນຍາລະຫວ່າງສອງຝ່າຍ, ຖ້າວ່າຍົກເລີກສັນຍາ, ຝ່າຍໜຶ່ງຕ້ອງແຈ້ງໃຫ້ຄູ່ສັນຍາຮັບຊາບເປັນລາຍລັກອັກສອນໂດຍຜ່ານຊ່ອງທາງທາງການທູດ, ຫຼັງຈາກແຈ້ງການໄດ້ 180 ມື້ແລ້ວ ຖືກວ່າສັນຍາດັ່ງກ່າວສິ້ນສຸດລົງ.
ຄຳເຫັນ
0