ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ມິຖຸນານີ້, ກະຊວງແຮງງານສິງກະໂປໄດ້ປະກາດບົດລາຍງານກ່ຽວກັບແຮງງານໄຕມາດທີ 1 ປີ 2021. ໂດຍໄດ້ຊີ້ໃຫ້ເຫັນວ່າ: ຕະຫຼາດ ແຮງງານຂອງສິງກະໂປພວມຄ່ອຍໆຟື້ນຟູຄືນທ່າມກາງສະພາບພະຍາດໂຄວິດ-19, ນັບແຕ່ພະຍາດໂຄວິດ-19 ແຜ່ລະບາດເປັນຕົ້ນມາ, ຍອດຈຳນວນຜູ້ປະກອບອາຊີບໃນໄຕມາດທີ 1 ປີ 2021 ໄດ້ເພີ່ມຫຼາຍຂຶ້ນເປັນເທື່ອທຳອິດ, ແຕ່ອັດຕາຫວ່າງງານຍັງສູງກວ່າໄລຍະກ່ອນການແຜ່ລະບາດຂອງພະຍາດໂຄວິດ-19.
ບົດລາຍງານລະບຸວ່າ, ຜູ້ປະກອບອາຊີບຢູ່ສິງກະໂປໃນໄຕມາດທີ 1 ໄດ້ເພີ່ມ 23.700 ຄົນ, ຜູ້ປະກອບອາຊີບຄົນຕ່າງປະເທດໄດ້ຫຼຸດລົງ 11.500 ຄົນ. ຜູ້ປະກອບອາຊີບຊາວສິງກະໂປໃນຂະແໜງການຕ່າງໆ ເຊັ່ນ: ຂະແໜງການໂທລະຄົມມະນາຄົມ, ຂະແໜງການອາຫານ, ຂະແໜງການບໍລິການດ້ານການປົ່ນປົວ ແລະ ສັງຄົມ, ຂະແໜງການບໍລິການດ້ານການບໍລິຫານ ແລະ ການຊ່ວຍເຫຼືອຄົນ, ຂະແໜງການບໍລິຫານງານ, ຂະແໜງການສຶກສາ ພ້ອມທັງຂະແໜງການບໍລິການດ້ານວິຊາການເປັນຕົ້ນລ້ວນແຕ່ໄດ້ເພີ່ມຂຶ້ນ.
ອີກດ້ານໜຶ່ງ, ຫຼັງຈາກໄດ້ປັບປຸງເປັນເວລາ 3 ເດືອນ, ນັບແຕ່ອັດຕາຫວ່າງງານຢູ່ສິງກະໂປໄດ້ຖີບສູງຂຶ້ນຮອດລະດັບສູງສຸດໃນເດືອນກັນຍາປີກາຍນີ້ແລ້ວໄດ້ຄ່ອຍໆຫຼຸດລົງ, ເດືອນມີນາປີນີ້ໄດ້ຫຼຸດລົງຍັງເຫຼືອ 4%, ແຕ່ຍັງສູງກວ່າລະດັບກ່ອນເກີດມີການແຜ່ລະບາດຂອງພະຍາດໂຄວິດ-19.
ຄຳເຫັນ
0