ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ18ມິຖຸນານີ້,ທ່ານຈ່າງຈູ່ນ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດໄດ້ກ່າວໃນສະພາຄວາມໝັ້ນຄົງໃນຂະນະທີ່ພິຈາລະນາບັນຫາມຽນມາວ່າ:ຫວັງວ່າບັນດາຝ່າຍຈົ່ງເຄົາລົບນັບຖືອະທິປະໄຕຂອງມຽນມາ,ສ້າງສະພາບແວດລ້ອມພາຍນອກທີ່ດີໃຫ້ແກ່ຄວາມປອງດອງກັນທາງການເມືອງພາຍໃນປະເທດມຽນມາ.
ທ່ານຈ່າງຈຸ່ນກ່າວວ່າ:ບັນຫາທີ່ເກີດຂຶ້ນຢູ່ມຽນມາໃນປັດຈຸບັນນີ້ ເປັນຄວາມລະອິດລະອ້ຽວໃນຂະບວນການຫັນປ່ຽນຮູບແບບການເມືອງ,ເວົ້າຈາກດ້ານກົກຮາກແລ້ວເປັນວຽກງານພາຍໃນຂອງມຽນມາ,ຈະສາມາດແກ້ໄຂໃຫ້ໄດ້ຢ່າງເໝາະສົມໃນຂັ້ນສຸດທ້າຍໄດ້ຫຼືບໍ່ ແມ່ນຂຶ້ນຢູ່ກັບມຽນມາເອງ. ປະຫວັດສາດໄດ້ພິສູດໃຫ້ເຫັນແລ້ວວ່າ,ພາຍນອກກົດດັນແລະຂ້ຳບາດມຽນມາຢ່າງດຽວ ບໍ່ພຽງແຕ່ບໍ່ມີປະສິດທິຜົນເທົ່ານັ້ນ, ແຕ່ຍັງຈະໄດ້ຮັບຜົນກົງກັນຂ້າມອີກດ້ວຍ. ຝ່າຍຈີນຫວັງໃຫ້ບັນດາຝ່າຍສາມາດປະຕິບັດຕາມຈຸດປະສົງແລະຫຼັກການຂອງ“ກົດບັດສະຫະປະຊາຊາດ”, ໃນເງື່ອນໄຂເບື້ອງຕົ້ນທີ່ເຄົາລົບອະທິປະໄຕ,ຄວາມເປັນເອກະລາດທາງການເມືອງ,ຜືນແຜ່ນດິນອັນຄົບຖ້ວນແລະຄວາມເປັນເອກະພາບກັນຂອງປະເທດຊາດມຽນມາ,ຍຶດໝັ້ນໃນທ່າທີທີ່ພາວະວິໄສແລະທ່ຽງທຳ,ສະໜັບສະໜູນຄວາມພະຍາຍາມຂອງປະເທດໃນພາກພື້ນ,ຫຼີກລ່ຽງການຂວ້ຳບາດແຕ່ຝ່າຍດຽວແລະເຂົ້າແຊກແຊງທີ່ບໍ່ເໝາະສົມ,ເພື່ອສ້າງສະພາບແວດລ້ອມພາຍນອກທີ່ດີໃຫ້ແກ່ຄວາມປອງດອງກັນທາງການເມືອງພາຍໃນປະເທດມຽນມາ.
ທ່ານຈ່າງຈູ່ນກ່າວຕື່ມວ່າ,ໃນໄລຍະໄຂກອງປະຊຸມລັດຖະມົນຕີກະຊວງການຕ່າງປະເທດສະໄໝພິເສດເພື່ອລະລຶກວັນສ້າງຕັ້ງສາຍພົວພັນຄູ່ສົນທະນາລະຫວ່າງຈີນກັບອາຊຽນຄົບຮອບ30ປີທີ່ຫາກໍ່ສິ້ນສຸດລົງ,ຈີນໄດ້ບັນຍາຍຫຼັກໝັ້ນຫຼັກການຂອງຕົນກ່ຽວກັບສະພາບການຢູ່ມຽນມາໃນປັດຈຸບັນ,ຈີນແລະອາຊຽນໄດ້ກ້າວເຖິງຂັ້ນມີຄວາມຮັບຮູ້ທີ່ເປັນເອກະພາບກັນ.ມຽນມາແມ່ນສະມາຊິກອາຊຽນ,ຈີນສະໜັບສະໜູນອາຊຽນເສີມຂະຫຍາຍບົດບາດລັກສະນະສ້າງສັນໃນການແກ້ໄຂບັນຫາພາຍໃນປະເທດມຽນມາຢ່າງເໝາະສົມ.
ຄຳເຫັນ
0