ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອົງການສິ່ງແວດລ້ອມແຫ່ງຊາດສິງກະໂປໄດ້ເປີດເຜີຍໃນວັນທີ 5 ກໍລະກົດນີ້ວ່າ: ໂຄງການທົດລອງເຮັດໝັນຍູງລາຍຂອງປະເທດຕົນໄດ້ຮັບປະສິດທິຜົນທີ່ດີ, ຈຳນວນຍູງລາຍໃນເຂດຄຸ້ມເຮືອນໃນໂຄງການທົດລອງ 4 ແຫ່ງໄດ້ຫຼຸດໜ້ອຍລົງຫຼາຍທີ່ສຸດເຖິງ 98%, ຈຳນວນຜູ້ເປັນພະຍາດໄຂ້ເລືອດອອກພາຍໃນເຂດທົດລອງກໍໄດ້ຫຼຸດລົງ 88%. ເດືອນກັນຍາປີ້ນີ້, , ອົງການສິ່ງແວດລ້ອມແຫ່ງຊາດສິງກະໂປມີແຜນຈະເປີດກວ້າງໂຄງການທົດລອງດັ່ງກ່າວໃຫ້ໄປເຖິງເຂດຄຸ້ມເຮືອນ ຫຼາຍກວ່າເກົ່າ.
ອົງການສິ່ງແວດລ້ອມແຫ່ງຊາດສິງກະໂປຖະແຫຼງວ່າ: ເມື່ອຮອດເດືອນມີນາປີ2022, ໂຄງການທົດລອງດັ່ງກ່າວຈະໄດ້ຮັບການເປີດກວ້າງຂອບເຂດປະຕິບັດງານໃຫ້ໄປເຖິງເຂດແຄວ້ນຫຼາຍກວ່າເກົ່າ.
ປີ 2020 ເປັນປີທີ່ສິງກະໂປປະສົບກັບການແຜ່ລະບາດຂອງພະຍາດໄຂ້ເລືອດອອກຢ່າງຮ້າຍແຮງທີ່ສຸດນັບແຕ່ມີການບັນທຶກໃນປະຫວັດສາດເປັນຕົ້ນມາ. ປີນີ້, ຢູ່ສິງກະໂປໄດ້ພົບຜູ້ເປັນພະຍາດໄຂ້ເລືອດອອກ 3275 ກໍລະນີ ເຊິ່ງໜ້ອຍກວ່າໄລຍະດຽວກັນຂອງປີຜ່ານມາແລະປີກ່ອນຢ່າງຫຼວງຫຼາຍ.
ຄຳເຫັນ
0