ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ19ກໍລະກົດນີ້,ທ່ານຫຼີເຄີ້ສຽງ ນາຍົກລັດຖະມົນຕີຈີນແລະສົມເດັດຮາຈີ ຮາຊານາ ໂບເກຍ ພະລາຊາທິບໍດີແຫ່ງບຣູໄນທີ່ເປັນປະເທດປະທານໝູນວຽນຂອງອາຊຽນ ໄດ້ສົ່ງສານອວຍພອນກັນແລະກັນເນື່ອງໃນໂອກາດວັນສ້າງຕັ້ງສາຍພົວພັນຄູ່ເຈລະຈາຈີນ-ອາຊຽນຄົບຮອບ30ປີ.
ໃນສານອວຍພອນຂອງທ່ານຫຼີເຄີ້ຊຽງລະບຸວ່າ: ຕະຫຼອດໄລຍະ30ປີຜ່ານມາ,ຈີນແລະບັນດາປະເທດອາຊຽນໄດ້ເປັນແບບຢ່າງໃຫ້ແກ່ການຮ່ວມມືໃນພາກພື້ນອາຊີປາຊິຟິກໂດຍໄດ້ພ້ອມກັນຜ່ານຜ່າຄວາມຫຍຸ້ງຍາກຕ່າງໆນາໆ. ປັດຈຸບັນ ການພົວພັນຈີນ-ອາຊຽນໄດ້ກ້າວເຂົ້າສູ່ໄລຍະໃໝ່ແຫ່ງການພັດທະນາຢ່າງຮອບດ້ານ,ຈີນຍິນດີຮ່ວມກັບອາຊຽນເກາະແຂນກັນສ້າງສາຍພົວພັນຄູ່ຮ່ວມຍຸດທະສາດໃຫ້ມີລະດັບສູງກວ່າເກົ່າ,ສ້າງປະຊາຄົມຮ່ວມຊາດຕາກຳທີ່ແໜ້ນແຟ້ນກວ່າເກົ່າ,ສ້າງຄວາມສຸກໃຫ້ແກ່ປະຊາຊົນຫຼາຍກວ່າ 2 ຕື້ກວ່າຄົນໃນ11ປະເທດຂອງສອງຝ່າຍ.
ໃນສານອວຍພອນຂອງສົມເດັດພະລາຊາທິບໍດີຮາຊານລະບຸວ່າ: ການພົວພັນອາຊຽນ-ຈີນໃນໄລຍະ30ປີທີ່ຜ່ານມາ ໄດ້ຮັບໝາກຜົນອັນອຸດົມສົມບູນ,ໄດ້ກາຍເປັນໜຶ່ງໃນການພົວພັນຄູ່ຮ່ວມທີ່ມີລັກສະນະຍຸດທະສາດແລະຮອບດ້ານຫຼາຍທີ່ສຸດ.ສອງຝ່າຍໄດ້ເກາະແຂນຮ່ວມມືກັນເພື່ອຕ້ານກັບພະຍາດໂຄວິດ-19,ການແລກປ່ຽນແລະຮ່ວມມືກັນໃນດ້ານເສດຖະກິດການຄ້າ,ວັດທະນະທຳແລະຂົງເຂດອື່ນໆໄດ້ຂະຫຍາຍຕົວເຂົ້າສູ່ລວງເລິກຢ່າງບໍ່ຢຸດຢັ້ງ.ເຊື່ອວ່າ ການພົວພັນຄູ່ຮ່ວມຍຸດທະສາດອາຊຽນ-ຈີນຈະສ້າງອະນາຄົດທີ່ສົດໃສກວ່າເກົ່າໃຫ້ແກ່ປະຊາຊົນທັງສອງຝ່າຍ.
ຄຳເຫັນ
0