ວັນທີ31 ສິງຫາ 2021, ໂຄງການສະໜອງໄຟຟ້າໃຫ້ທາງລົດໄຟລາວ-ຈີນທີ່ໄດ້ນຳໃຊ້ພະລັງງານກາກບອນຕໍ່າໄດ້ຜ່ານການກວດສອບສຳເລັດວຽກງານ, ສາມາດເຂົ້າໄປດຳເນີນງານ ແລະໄດ້ສ້າງພື້ນຖານໃຫ້ແກ່ການແລ່ນລົດຂອງທາງລົດໄຟລາວ-ຈີນໃນທ້າຍປີນີ້.

ໂຄງການນີ້ມີຄວາມຍາວ936 ກິໂລແມັດ, ມີເຫຼັກເສົາໄຟທັງໝົດ 2,220 ຕົ້ນ ໂດຍສະໜອງພະລັງງານໄຟຟ້າໃຫ້ແກ່ສະຖານີລາກແກ່ທັງໝົດ 24 ສາຍ,ໂດຍແມ່ນບໍລິສັດຕາຂ່າຍໄຟຟ້າພາກໃຕ້ຈີນ ແລະບໍລິສັດລົງທຶນພະລັງງານໄຟຟ້າລາວ-ຈີນຈຳກັດເປັນຜູ້ລົງທຶນກໍ່ສ້າງ.ທ່ານ ຫວງວູນກ່າງ ຜູ້ອຳນວຍການບໍລິສັດລົງທຶນພະລັງງານໄຟຟ້າລາວ-ຈີນ ກ່າວວ່າ:ຈີນ ແລະລາວ ເປັນປະເທດທີ່ມີພູຜາປ່າໄມ້ ແລະແມ່ນໍ້າອັນອຸດົມສົມບູນ, ດັ່ງນັ້ນ ທາງລົດໄຟລາວ-ຈີນຈະກາຍເປັນທາງລົດໄຟທີ່ໃຊ້ພະລັງງານໄຟຟ້າສີຂຽວ ແລະມີກາກບອນຕ່ຳ, ແລະມັນຍັງຈະເປັນເສັ້ນທາງແຫ່ງການພັດທະນາໃນສະຕະວັດທີ່ຈະເຮັດໃຫ້ເກີດມີ “ເຄື່ອງໝາຍບວກ” ຫຼາຍຢ່າງ. ນອກນັ້ນ, ທ່ານ ຈົ່ງສຽວທ່າວ ຜູ້ອຳນວຍການໃຫ່ຍ ບໍລິສັດຕາຂ່າຍໄຟຟ້າພາກໃຕ້ຈີນຈຳກັດ ໄດ້ກ່າວຕື່ມວ່າ: “ເຄື່ອງໝາຍບວກ”ໝາຍເຖິງການປົກປ້ອງສິ່ງແວດລ້ອມ, ພວກເຮົາຍຶດຖືມາດຕະຖານອັນດຽວກັນທັງຢູ່ພາຍໃນ ແລະຕ່າງປະເທດ ແລະ ນຳໃຊ້ເຕັກໂນໂລຊີທີ່ທັນສະໃໜ ເພື່ອຫຼຸດຜ່ອນຄວາມເສຍຫາຍຕໍ່ສິ່ງແວດລ້ອມ. ທ່ານຍັງໄດ້ກ່າວຕື່ມວ່າ ”ເຄື່ອງໝາຍບວກ” ນີ້ຍັງໄດ້ສ້າງກຸ່ມຄົນທີ່ມີຄວາມສາມາດດ້ານພະລັງງານໄຟຟ້າສໍາລັບປະເທດລາວ ແລະ ກະຕຸ້ນການຈ້າງງານໃນທ້ອງຖິ່ນ, ພ້ອມດຽວກັນນີ້ ຍັງເຮັດໃຫ້ປະຊາຊົນທ້ອງຖີ່ນທີ່ອາໃສຢູ່ຕາມແລວສາຍໄຟມີໄຟຟ້າໃຊ້ພຽງພໍ.

ນອນນັ້ນ, ຍັງມີປະຊາຊົນ ແລະພະນັກງານໃຫ້ສໍາພາບ ໂດຍທ້າວ ບຸນໄຊ ໜໍຫືຊົງ ປະຊາຊົນບ້ານຫ້ວຍແພ ,ເມືອງໄຊ, ແຂວງອຸດົມໄຊ ເວົ້າວ່າ: ແຕ່ກ່ອນ, ມີພຽງເສັ້ນທາງນ້ອຍພຽງເສັ້ນດຽວທີ່ເຂົ້າໄປໃນໝູ່ບ້ານຂອງຂ້າພະເຈົ້າ, ເມື່ອເວລາຝົນຕົກມັນຈະເປັນທາງຂີ້ຕົມ. ປະຈຸບັນນີ້ມີເສັ້ນທາງທີ່ກວ້າງຂວາງ ແລະສະດວກສະບາຍ, ເຮັດໃຫ້ພວກເຮົາສາມາດຂັບລົດໄຖນາເພື່ອຂົນສົ່ງເຂົ້າເປືອກໄປຂາຍຢູ່ໃນເມືອງໄດ້”. ທ້າວ ແພງ ບຸນລືຫົວໜ້າທີມງານສັນຊາດລາວທີ່ຮັບຜິດຊອບໂຄງການສະໜອງໄຟຟ້າໃຫ້ທາງລົດໄຟລາວ-ຈີນ ເວົ້າວ່າ: ຢູ່ປະເທດລາວ, ເງິນເດືອນຂອງກຳມະກອນກໍ່ສ້າງ ທີ່ມີສີມືແມ່ນສອງເທົ່າຂອງຄົນງານທົ່ວໄປ, ຖ້າຫາກຕ້ອງການເງິນເດຶອນທີ່ເພີ່ມຂຶ້ນ ທ່ານກໍ່ຕ້ອງຍົກສູງລະດັບສີມື. ແລະລາວຍັງໄດ້ກ່າວຕື່ມອີກວ່າ:ຜ່ານການເຂົ້າຮ່ວມໃນການກໍ່ສ້າງໂຄງການຕ່າຂ່າຍໄຟຟ້າ, ຂ້ອຍໄດ້ປະສົບການຫຼາຍຢ່າງເຊັ່ນ: ການກໍ່ສ້າງເຫຼັກເສົາໄຟ, ການກວດສອບ ແລະ ການຕໍ່ສາຍໄຟ ແລະໃນອະນາຄົດຖ້າຫາກສະໝັກວຽກກັບໂຄງການອື່ນ ຂ້ອຍເຊື່ອວ່າ ຂ້ອຍມີໂອກາດສູງທີ່ຈະໄດ້ເປັນພະນັກງານໃນບໍລິສັດນັ້ນ. ນອກນັ້ນ, ທ້າວ ວັນຄຳ ນາກາວົງ ປະຊາຊົນ ບ້ານຫ້ວຍລຽງ ເມືອງງາ ແຂວງອຸດົມໄຊ ກ່າວວ່າ: ຖ້າມີທາງລົດໄຟ, ການຄົມມະນາຄົມກໍຈະສະດວກສະບາຍ, ການຄ້າຂາຍກໍ່ຈະງ່າຍຂື້ນແລະໄດ້ລາຄາດີ ແລະຖານະຄອບຄົວກໍຈະດີຂື້ນກ່ວາເກົ່າ. ຖ້າທາງລົດໄຟລາວ-ຈີນ ເປິດໃຫ້ບໍລິການແລ້ວ ຂ້ອຍຈະພາຄອບຄົວຂອງຂ້ອຍໄປທ່ອງທ່ຽວປະເທດຈີນ.

ເສັ້ນທາງລົດໄຟ ລາວ-ຈີນ ເປັນໂຄງການເຊື່ອມຈອດຍຸດທະສາດລະຫວ່າງຂໍ້ລິເລີ່ມ“ ໜຶ່ງແລວໜຶ່ງ ເສັ້ນທາງ” ຂອງຈີນ ແລະ "ການຫັນປະເທດທີ່ບໍ່ມີທາງອອກສູ່ທະເລ ສູ່ປະເທດເຊື່ອມຈອດ "ຂອງສປປລາວ. ແລະ ຍັງເປັນໂຄງການທາງລົດໄຟຢູ່ຕ່າງປະເທດແຫ່ງທຳອິດທີ່ໄດ້ລົງທຶນ ແລະ ດໍາເນີນການກໍ່ສ້າງໂດຍ ສປ ຈີນ, ແລະ ເຊື່ອມຕໍ່ໂດຍກົງກັບເຄືອຂ່າຍທາງລົດໄຟຂອງຈີນ.