ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ກັນຍານີ້, ທ່ານຮານເຈີ້ງ ກຳມະການປະຈຳກົມການເມືອງສູນກາງພັກກອມມູນິດຈີນ ຮອງນາຍົກລັດຖະມົນຕີຈີນໄດ້ພົບປະກັບທ່ານອາໂລກ ຊາມາ ຜູ້ຈະຮັບຕຳແໜ່ງເປັນປະທານກອງປະຊຸມໂກລາສໂກກ່ຽວກັບການປ່ຽນແປງຂອງດິນຟ້າອາກາດຂອງອົງການສະຫະປະຊາຊາດດ້ວຍຮູບແບບວິດີໂອໃນໄລຍະທີ່ທ່ານພວມຢ້ຽມຢາມປະເທດຈີນ.
ທ່ານຮານເຈີ້ງກ່າວວ່າ, ການປ່ຽນແປງຂອງດິນຟ້າອາກາດຕ້ອງການໃຫ້ໂລກສາມັກຄີກັນ ແລະ ຮ່ວມມືກັນເພື່ອຮັບມືກັບບັນຫານີ້. ຫວັງວ່າກອງປະຊຸມຝ່າຍຕ່າງໆທີ່ເຊັນ “ສົນທິສັນຍາຂອບການປ່ຽນແປງຂອງດິນຟ້າອາກາດຂອງອົງການສະຫະປະຊາຊາດ” ຄັ້ງທີ 26 ຈະສາມາດສົ່ງສັນຍານທາງການເມືອງອັນແຂງແຮງໃນການຍຶດໝັ້ນໃນລັດທິຫຼາຍຝ່າຍ, ເຄົາລົບກະຕິກາຫຼາຍຝ່າຍ ແລະ ຊຸກຍູ້ການເຄື່ອນໄຫວດິນຟ້າອາກາດຢ່າງເດັດດ່ຽວ, ຕັ້ງໜ້າໃຫ້ຝ່າຍຕ່າງໆຜົນຂະຫຍາຍເປົ້າໝາຍດ້ານດິນຟ້າອາກາດເປັນນະໂຍບາຍ ແລະ ແຜນງານທີ່ລະອຽດ, ສືບຕໍ່ເຈລະຈາປີກຍ່ອຍຂອງ “ອະນຸສັນຍາປາຣີ” ໃຫ້ສຳເລັດ, ຮັບປະກັນການແກ້ໄຂບັນຫາດິນຟ້າອາກາດທົ່ວໂລກໃຫ້ສືບຕໍ່ກ້າວໄປໜ້າຢ່າງຖືກຕ້ອງ ເປີດເຜີຍແລະໂປ່ງໃສ, ໃຫ້ຝ່າຍຕ່າງໆເຂົ້າຮ່ວມຢ່າງກວ້າງຂວາງ, ຊຸກຍູ້ໃຫ້ຝ່າຍຕ່າງໆບັນລຸການເຊັນສັນຍາ ແລະ ປຶກສາຫາລືໃຫ້ມີຄວາມຮັບຮູ້ທີ່ເປັນເອກະພາບກັນ.
ຄຳເຫັນ
0