ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ກັນຍານີ້, ສະຖານທູດຈີນປະຈຳມຽນມາໄດ້ແຈ້ງໃຫ້ຮູ້ວ່າ, ຫວ່າງມໍ່ໆມານີ້, ລັດຖະບານມຽນມາໄດ້ຈັດຊື້ວັກຊິນພະຍາດໂຄວິດ-19 ງວດໃໝ່ຈາກກຸ່ມບໍລິສັດ Sinopharm ຂອງຈີນ, ໃນນັ້ນ, ວັກຊິນຈຳນວນ 4 ລ້ານຫຼອດເຊິ່ງເປັນງວດທຳອິດໄດ້ສົ່ງໄປເຖິງສະໜາມບິນສາກົນຢາງກຸ້ງແລ້ວໃນມື້ດຽວກັນ.
ຂ່າວແຈ້ງວ່າ,ນັບແຕ່ເກີດມີການແຜ່ລະບາດຂອງພະຍາດໂຄວິດ-19 ຮອບທີ 3 ໄດ້ເກີດຢູ່ມຽນມາຢ່າງຮ້າຍແຮງເປັນຕົ້ນມາ,ຈີນໄດ້ຕັ້ງໜ້າຊ່ວຍເຫຼືອມຽນມາດ້ວຍການປະສານງານກັບວິສາຫະກິດການຜະລິດວັກຊິນຂອງຈີນ ເພື່ອໃຫ້ການສະໜັບສະໜູນມຽນມາຕ້ານພະຍາດໂຄວິດ-19.
ຈົນຮອດປັດຈຸບັນ, ຈຳນວນວັກຊິນທີ່ຈີນສະໜອງໃຫ້ມຽນມາໄດ້ບັນລຸເຖິງ 12 ລ້ານ 6 ແສນຫຼອດແລ້ວ, ໃນນັ້ນ 3 ລ້ານ 9 ແສນຫຼອດແມ່ນຈີນຊ່ວຍເຫຼືອລ້າສ່ວນອີກ, 8 ລ້ານ 7 ແສນຫຼອດແມ່ນມຽນມາຈັດຊື້ເອງ.
ຄຳເຫັນ
0