ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມປຶກສາຫາລືກ່ຽວກັບການພັດທະນາແບບຍືນຍົງປີ2021ໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ26ກັນຍານີ້ ໂດຍໄດ້ປະກາດ“ບົດລາຍງານຄວາມຄືບໜ້າທີ່ຈີນຈັດຕັ້ງປະຕິບັດວາລະການພັດທະນາແບບຍືນຍົງຮອດປີ2030”. ບົດລາຍງານດັ່ງກ່າວໄດ້ທົດທວນຄືນຢ່າງຮອບດ້ານຕໍ່ກັບຄວາມຄືບໜ້າຕົ້ນຕໍທີ່ຈີນໄດ້ຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ17ລາຍການທີ່ໄດ້ລະບຸໄວ້ໃນວາລະການພັດທະນາແບບຍືນຍົງຮອດປີ2030ຂອງອົງການສະຫະປະຊາຊາດມາແຕ່ປີ2016-2020.
ແຕ່ປີ2016ຫາປີ2019,GDPຂອງຈີນໂດຍສະເລ່ຍຕໍ່ປີມີອັດຕາການເຕີບໂຕຂຶ້ນ6,6%,ກວມເອົາ30%ຂອງການເຕີບໂຕດ້ານເສດຖະກິດຂອງໂລກ. ປີ2020,ຈີນແມ່ນອົງກອນເສດຖະກິດຕົ້ນຕໍພຽງໜຶ່ງດຽວໃນໂລກທີ່ມີອັດຕາການເຕີບໂຕດ້ານເສດຖະກິດເປັນຕົວເລກບວກ.
ນັບມາຮອດທ້າຍປີ2020,ຈີນໄດ້ສ້າງລະບົບປະກັນສັງຄົມຂະໜາດໃຫຍ່ກວ່າໝູ່ໃນໂລກ,ຈຳນວນຜູ້ເຂົ້າຮ່ວມໃນລາຍຊື່ປະກັນສຸຂະພາບຂັ້ນພື້ນຖານມີຫຼາຍກວ່າ1,36ຕື້ຄົນ,ນະໂຍບາຍປະກັນສັງຄົມຂັ້ນພື້ນຖານສຳລັບເບິ່ງແຍງລ້ຽດູຜູ້ເຖົ້າໄດ້ປົກຄຸມປະຊາກອນເກືອບ1ຕື້ຄົນ.
ໃນດ້ານການຮັບມືກັບການປ່ຽນແປງຂອງດິນຟ້າອາກາດ, ຈີນໄດ້ເລັ່ງລັດຫັນການພັດທະນາເປັນສີຂຽວກາກບອນດີອອກຊິດຕ່ຳ, ພ້ອມດຽວກັນນີ້ ຍັງໄດ້ຕັ້ງໜ້າເຂົ້າຮ່ວມການປົວແປງດິນຟ້າອາກາດຂອງໂລກ,ຍົກສູງຄວາມສາມາດໃນການຫຼຸດປະລິມານການປ່ອຍກາກບອນດີອອກຊິດຂອງປະເທດຕົນໃຫ້ໜ້ອຍລົງ.
ຄຳເຫັນ
0