ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວປະຈຳວັນທີ 27 ກັນຍານີ້, ທ່ານນາງຮວ້າຊຸ່ນຢີງ ໂຄສົກກະຊວງການຕ່າງປະເທດຈີນໄດ້ກ່າວເນັ້ນໜັກຄືນໃນເວລາຕອບຄຳຖາມຂອງນັກຂ່າວກ່ຽວກັບການຮ່ວມມືດ້ານເຮືອດຳນ້ຳນີວເຄລຍລະຫວ່າງອາເມຣິກາ ອັງກິດແລະອົສຕຣາລີວ່າ: ຈີນເລັ່ງທວງໃຫ້3ປະເທດນີ້ຈົ່ງຮັບຟັງສຽງຮຽກຮ້ອງຂອງປະຊາຄົມໂລກ, ປະຖິ້ມແນວຄິດສົງຄາມເຢັນທີ່ເປັນແນວຄິດເກົ່າແລະທັດສະນະພູມສາດການເມືອງອັນຄັບແຄບ,ຍົກເລີກຂໍ້ຕົກລົງອັນຜິດພາດ, ປະຕິບັດຕາມພັນທະສາກົນທີ່ບໍ່ແຜ່ຜາຍອາວຸດນີວເຄລຍຢ່າງຈິງໃຈ, ກະທຳໃນສິ່ງທີ່ມີຜົນດີຕໍ່ສັນຕິພາບ ສະຖຽນລະພາບ ແລະການພັດທະນາຂອງພາກພື້ນໃຫ້ຫຼາຍກວ່າເກົ່າ.
ທ່ານນາງຮວ້າຊຸ່ນຢິງ ກ່າວວ່າ: ການຮ່ວມມືດ້ານເຮືອດຳນ້ຳນີວເຄລຍລະຫວ່າງອາເມຣິກາ ອັງກິດແລະອົສຕຣາລີມີຄວາມສ່ຽງຢ່າງຮ້າຍແຮງໃນການແຜ່ຜາຍອາວຸດນີວເຄລຍ, ໄດ້ຝືນກັບເນື້ອໃນຈິດໃຈຂອງສົນທິສັນຍາບໍ່ແຜ່ຜາຍອາວຸດນີວເຄລຍ, ໃນຂະນະດຽວກັນ, ຈີນກໍຕ້ອງເຕືອນໃຫ້ບັນດາຝ່າຍອີກຄັ້ງໜຶ່ງວ່າຈົ່ງພິຈາລະນາເຖິງຜົນຮ້າຍອັນໜັກໜ່ວງທີ່ອາດຈະເກີດຂຶ້ນຍ້ອນອາເມຣິກາ ອັງກິດ ແລະອົສຕຣາລີປະຕິບັດສອງມາດຕະຖານໃນບັນຫາບໍ່ແຜ່ຜາຍອາວຸດນີວເຄລຍ. ອາເມຣິກາແລະອັງກິດໄດ້ຖືເອົາຜົນປະໂຫຍດທາງພູມສາດການເມືອງຢູ່ເໜືອກົດລະບຽບສາກົນວ່າດ້ວຍການບໍ່ແຜ່ຜາຍອາວຸດນີວເຄລຍ, ຊ່ວຍອົສຕຣາລີໃຫ້ກາຍເປັນປະເທດທີ່ບໍ່ມີອາວຸດນີວເຄລຍປະເທດທຳອິດທີ່ນຳເຂົ້າເຮືອດຳນ້ຳນີວເຄລຍ, ເຊິ່ງຈະກະຕຸກໃຫ້ປະເທດທີ່ບໍ່ມີອາວຸດນີວເຄລຍອື່ນໆພາກັນຮຽນເອົາເປັນແບບຢ່າງ, ທັງສ້າງຜົນກະທົບອັນເລິກເຊິ່ງແລະຍາວນານໃຫ້ກັບການແກ້ໄຂບັນຫາຈຸດສຸມດ້ານນີວເຄລຍຢູ່ພາກພື້ນແຫ່ງນີ້ ແລະຈະທຳລາຍສັນຕິພາບແລະສະຖຽນລະພາບຂອງພາກພື້ນຢ່າງຮ້າຍແຮງ.
ຄຳເຫັນ
0