ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 27 ກັນຍາປີ 2021, ໜັງສືພິມປະຊາຊົນລາຍວັນ ທີ່ເປັນກະບອກສຽງສຳນັກສູນກາງພັກກອມມູນິດຈີນໄດ້ລົງພິມບົດຄວາມທີ່ມີຫົວຂໍ້ວ່າ “ເປັນຫຍັງພວກເຮົາສາມາດປະສົບຜົນສຳເລັດໄດ້”. ໂດຍແນໃສ່ການປ່ຽນແປງດ້ານມູນການສັງເກດຂອງປະຊາຄົມໂລກຕໍ່ຈີນ, ບົດຄວາມນີ້ໄດ້ຫວນຄືນການປ່ຽນແປງອັນໃຫຍ່ຫຼວງດ້ານປະຫວັດສາດໃນຮ້ອຍປີຜ່ານມາ ຄືຈາກການຮຸກຮານຂອງປະເທດຈັກກະພັດ ມາຮອດຊົນຊາດຈີນລຸກຢືນຂຶ້ນ ຮັ່ງມີຂຶ້ນ ແລະ ເຂັ້ມແຂງຂຶ້ນ, ໄດ້ຕອບຄຳຖາມທີ່ວ່າ “ເປັນຫຍັງພວກເຮົາສາມາດປະສົບຜົນສຳເລັດໄດ້” ຈາກດ້ນາປະຫວັດສາດ ທິດສະດີ ແລະ ພຶດຕິກຳ. ໃນບົດຄວາມລະບຸວ່າ, ໃນພິທີສະເຫຼີມສະຫຼອງວັນສ້າງຕັ້ງພັກກອມມູນິດຈີນຄົບຮອບ 100 ປີທີ່ຈັດຂຶ້ນໃນເດືອນກໍລະກົດປີນີ້, ທ່ານສີຈິ້ນຜິງ ປະທານປະເທດຈີນໄດ້ສະເໜີວ່າ: “ບໍ່ມີພັກກອມມູນິດຈີນ ກໍບໍ່ມີປະເທດຈີນໃໝ່, ກໍບໍ່ມີການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ”, ເຊິ່ງເປັນຄຳສະຫຼຸບດ້ານປະຫວັດສາດທີ່ສຳຄັນທີ່ສຸດ ແລະ ບົດຮຽນສຳເລັດຜົນທີ່ລ້ຳຄ່າທີ່ສຸດ ໂດຍເປັນຄຳຕອບທີ່ວ່າ “ເປັນຫຍັງພວກເຮົາຈຶ່ງສາມາດປະສົບຜົນສຳເລັດໄດ້.”
ໃນບົດຄວາມໄດ້ຫວນຄືນປະຫວັດສາດທີ່ຫຼັງຈາກສົງຄາມຢາຝິ່ນປີ 1840, ປະຊາຊາດຈີນໄດ້ປະສົບຄວາມທຸກທໍລະມານທີ່ບໍ່ເຄີຍມີມາກ່ອນ, ປະຊາຊົນຈີນລຸກຮືຂຶ້ນຕໍ່ສູ້ເພື່ອບັນລຸຄວາມໃຝ່ຝັນທີ່ຟື້ນຟູຄວາມຈະເລີນຮຸ່ງເຮືອງຂອງປະຊາຊາດຈີນ, ກຳລັງຊະນິດຕ່າງໆໜ້າລົ້ມຫຼັງລຸກ, ແຜນການຊະນິດຕ່າງໆດຳເນີນການທົດລອງຕາມໆກັນ. ໃນບົດຄວາມຊີ້ອອກວ່າ, ມີແຕ່ພັກກອມມູນິດຈີນໄດ້ແບກຫາບພາລະກຳດ້ານປະຫວັດສາດທີ່ຕໍ່ສູ້ກູ້ຊາດ ແລະ ຟື້ນຟູຄວາມຈະເລີນຸຮ່ງເຮືອງຂອງປະຊາຊາດຈີນ, ໃນທີ່ສຸດໄດ້ສິ້ນສຸດປະຫວັດສາດທີ່ປະຊາຊົນຖືກຮຸກຮານຢ່າງອັບອາຍ, ແກ້ໄຂບັນຫາຄວາມທຸກຍາກເດັດຖານຄັ້ງປະຫວັດສາດ, ແລະກ້າວເດີນບົນເສັ້ນທາງທີ່ມີຄວາມອີ່ມໜຳສຳລານຮອບດ້ານ ແລະ ຮັ່ງມີພ້ອມກັນ. ນີ້ແມ່ນເຫດຜົນດ້ານປະຫວັດສາດທີ່ຍຶດໝັ້ນການນຳພາຂອງພັກກອມມູນິດຈີນ.
ໃນບົດຄວາມໄດ້ສະຫຼຸບຂະບວນການທີ່ພັກກອມມູນິດຈີນສາມັກຄີເຕົ້າໂຮງກຳລັງຂອງປະຊາຊົນທົ່ວປະເທດເພື່ອດຳເນີນການປະຕິວັດ, ແລະສ້າງສາພັດທະນາປະເທດຈີນໃໝ່. ບົດຄວາມຊີ້ອອກວ່າ, ຊາວພັກກອມມູນິດຈີນໄດ້ໃຊ້ຄວາມຈິງໃຈ ເລືອດເນື້ອ ແລະ ການເຮັດແທ້ທຳຈິງຂອງຕົນ ນຳພາປະຊາຊົນສ້າງຊີວິດທີ່ຜາສຸກຢ່າງແທ້ຈິງ, ແລ້ວໄດ້ຮັບຄວາມສັດທາ, ການສະໜັບສະໜູນ ແລະ ການເຄົາລົບຂອງປະຊາຊົນ. ນີ້ແມ່ນເຫດຜົນດ້ານທິດສະດີໃນການຍຶດໝັ້ນການນຳພາຂອງພັກກອກມມູນິດຈີນ.
ໃນບົດຄວາມຍັງຊີ້ອອກວ່າ, ໃນການສູ້ຊົນເປັນເວລາ 100 ປີທີ່ຜ່ານມາ, ປະຊາຊົນຈີນມີຄວາມຮູ້ສຶກຢ່າງເລິກເຊິ່ງວ່າ, ພັກກອມມູນິດຈີນສູ້ຊົນປົດປ່ອຍປະເທດຊາດ ແລະ ປົກປັກຮັກສາປະເທດຊາດ, ກໍແມ່ນເພື່ອປົກປັກຮັກສາຈິດໃຈຂອງປະຊາຊົນ, ແລະ ເຮັດໃຫ້ປະຊາຊົນມີຊີວິດການເປັນຢູ່ທີ່ດີ.
ໃນບົດຄວາມຍັງໄດ້ປຽບທຽບວິທີການ ແລະ ປະສິດທິຜົນຂອງປະເທດທີ່ກ່ຽວຂ້ອງໃນການຕ້ານກັບພະຍາດໂຄວິດ-19 ເພື່ອສະຫຼຸບທ່າແຮງດ້ານການບໍລິຫານລັດຂອງການນຳພາໂດຍພັກກອມມູນິດຈີນ.
ໃນບົດຄວາມຍັງລະບຸວ່າ, ໂລກພວມຢູ່ໃນການປ່ຽນແປງອັນໃຫຍ່ຫຼວງແບບບໍ່ເຄີຍມີມາໃນຮອບຮ້ອຍປີຜ່ານມາ, ຄວາມໝາຍໃຫຍ່ທີ່ສຸດຂອງການພັດທະນາໂດຍສັນຕິຂອງຈີນຕໍ່ກັບໂລກ, ບໍ່ພຽງແຕ່ຂຶ້ນຢູ່ກັບວ່າ ປະຊາກອນ 1 ສ່ວນ 5 ຂອງໂລກກ້າວສູ່ຄວາມຮັ່ງມີ ແລະສ້າງຜົນສະທ້ອນໃນສາກົນຢ່າງກວ້າງຂວາງ ແລະ ເລິກເຊິ່ງ, ຍິ່ງຂຶ້ນຢູ່ກັບເສັ້ນທາງຫັນເປັນທັນສະໄໝທີ່ມີສີສັນພິເສດຂອງຈີນ ແລະ ຮູບແບບໃໝ່ຂອງອະລິຍະທຳມະນຸດທີ່ປະດິດສ້າງໂດຍປະເທດຈີນ, ເຊິ່ງໄດ້ສະໜອງສະຕິປັນຍາ ແລະ ແຜນການຂອງຈີນໃນການສ້າງສັງຄົມທີ່ດີງາມໃຫ້ແກ່ມວນມະນຸດ.
ຄຳເຫັນ
0