ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
“ໜັງສືພິມຫຼຽນເຫີຈາວປ້າວ” ສະບັບວັນທີ 3 ຕຸລານີ້ຂອງສິງກະໂປລາຍງານວ່າ: ທ່ານໂຣດຣີໂກ ດູເຕີເຕ ປະທານາທິບໍດີຟີລິບປິນເປີດເຜີຍວ່າ: ນາງຊາຣາ ດູເຕີເຕ ລູກສາວຕົນຈະລົງສະໝັກຮັບເລືອກຕັ້ງປະທານາທິບໍດີຟີລິບປິນປີ 2022 ແລະ ຈະຮຮ່ວມກັບທ່ານຄຣີສໂຕເຟີ ບົງ ໂກ ຜູ້ຊ່ວຍໄລຍະຍາວຂອງທ່ານ ທີ່ຫາກໍ່ໄດ້ຈົດທະບຽນເຂົ້າຮ່ວມການເລືອກຕັ້ງຮອງປະທານາທິບໍດີນັ້ນ ເປັນຄູ່ຮ່ວມການແຂ່ງຂັນ.
ບົດລາຍງານໄດ້ນຳເອົາການລາຍງານຂອງ ABS-CBN ທີ່ເປັນສື່ມວນຊົນຟີລິບປິນມາລາຍງານວ່າ: ທ່ານໂຣດຣີໂກ ດູເຕີເຕໄດ້ເປັນເພື່ອນຂອງທ່ານຄຣີສໂຕເຟີ ບົງ ໂກ ໄປຈົດທະບຽນເຂົ້າຮ່ວມການແຂ່ງຂັນເລືອກຕັ້ງຮອງປະທານາທິບໍດີ ແລະ ປະກາດຖອນອອກຈາກເວທີການເມືອງແລ້ວ, ທ່ານໄດ້ໃຫ້ສຳພາດຕໍ່ນັກຂ່າວວິທະຍຸຜູ້ໜຶ່ງ ແລະ ກ່າວຄຳເວົ້າດັ່ງກ່າວ.
ປັດຈຸບັນ, ນາງຊາຣາ ດູເຕີເຕເປັນເຈົ້າຄອງນະຄອນດາວາວຂອງຟີລິບປິນ. ໂຄສົກຂອງນາງຊາຣາບໍ່ໄດ້ໃຫ້ທັດສະນະຫຍັງ ຕໍ່ຄຳເວົ້າດັ່ງກ່າວຂອງທ່ານໂຣດຣີໂກ ດູເຕີເຕ.
ຄຳເຫັນ
0