ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ຕຸລານີ້, ນາງກາເຊຣິນ ໄຕ ຜູ້ຕາງໜ້າການຄ້າອາເມຣິກາກ່າວວ່າ: ອາເມຣິກາກຽມຈະສົນທະນາກັບຝ່າຍຈີນຢ່າງກົງໄປກົງມາ ກ່ຽວກັບສະພາບການຈັດຕັ້ງປະຕິບັດສັນຍາເສດຖະກິດການຄ້າໄລຍະໜຶ່ງລະຫວ່າງຈີນແລະອາເມຣິກາ, ນະໂຍບາຍອຸດສາຫະກຳ ແລະ ບັນຫາອື່ນໆ. ນາງກ່າວວ່າ: ອາເມຣິກາບໍ່ມີເຈດຕະນາຢາກເຮັດໃຫ້ສະພາບການການຄ້າກັບຈີນທີ່ເຄັ່ງຕຶງແລ້ວນັ້ນ “ເຄັ່ງຕຶງຂຶ້ນຕື່ມ”.
ໃນມື້ດຽວກັນ, ນາງກາເຊຣິນ ໄຕ ໄດ້ກ່າວຄຳປາໄສຢູ່ສູນຄົ້ນຄວ້າຍຸດທະສາດແລະສາກົນຂອງຄັງປັນຍາອາເມຣິກາ ໂດຍໄດ້ບັນລະຍາຍຄວາມປາຖະໜາຂອງລັດຖະບານໂຈ ໄບເດັນ ທີ່ມີຕໍ່ນະໂຍບາຍການຄ້າກັບຈີນ. ນາງກ່າວວ່າ: ວິທີການແກ້ໄຂບັນຫາເສດຖະກິດການຄ້າກັບຈີນຂອງລັດຖະບານອາເມຣິກາໃນເມື່ອກ່ອນ ບໍ່ສາມາດແກ້ໄຂຄວາມເອົາໃຈໃສ່ພື້ນຖານຂອງອາເມຣິກາ, ລັດຖະບານໂຈ ໄບເດັນຈະສະແຫວງຫາວິທີທີ່ “ໃໝ່ອ່ຽມ, ຮອບດ້ານ ແລະ ຕິດແທດຕົວຈິງ” ເພື່ອແກ້ໄຂການພົວພັນເສດຖະກິດການຄ້າກັບຈີນ.
ນາງກ່າວຕື່ມວ່າ: ອາເມຣິກາຈະເລີ່ມຂັ້ນຕອນຍົກເວັ້ນພາສີທີ່ມີລັກສະນະຈຸດສຸມ, ອະນຸຍາດໃຫ້ວິສາຫະກິດອາເມຣິກາຮ້ອງຂໍໃຫ້ຍົກເວັ້ນພາສີເພີ່ມຕື່ມຕໍ່ສິນຄ້າຈີນສ່ວນໜຶ່ງທີ່ສົ່ງເຂົ້າອາເມຣິກາ. ນາງຍັງສະເໜີມະໂນພາບທີ່ໃຫ້ສອງປະເທດອາເມຣິກາແລະຈີນ “ຢູ່ຮ່ວມກັນຢ່າງຖາວອນ” ເພື່ອຊອກຫາຊ່ອງທາງໃໝ່ ເພື່ອເປີດສະພາບການໃໝ່ຂອງການຄ້າລະຫວ່າງອາເມຣິກາແລະຈີນ.
ຄຳເຫັນ
0