ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ຕຸລານີ້ຕາມເວລາທ້ອງຖິ່ນ, ຄະນະກຳມາທິການກົດໝາຍສະມັດຊາໃຫຍ່ອົງການສະຫະປະຊາຊາດສະໄໝທີ 76 ໄດ້ຈັດກອງປະຊຸມອະພິປາຍທົ່ວໄປ ໃນຫົວຂໍ້ “ມາດຕະການກຳຈັດລັດທິກໍ່ການຮ້າຍສາກົນ”.
ທ່ານເກິງສວງ ຮອງຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດກ່າວວ່າ: “ຂະບວນການອິສລາມຕວກກີສະຖານຕາເວັນອອກ” ແມ່ນກຸ່ມກໍ່ການຮ້າຍສາກົນໃນບັນຊີລາຍຊື່ຂອງສະພາຄວາມໝັ້ນຄົງອົງການສະຫະປະຊາຊາດ, ການໂຈມຕີອິດທິກຳລັງກໍ່ການຮ້າຍ “ຕວກກີສະຖານຕາເວັນອອກ” ທີ່ມີ “ຂະບວນການອິສລາມຕວກກີສະຖານຕາເວັນອອກ” ເປັນຕົວແທນນັ້ນ ແມ່ນພາກສ່ວນໜຶ່ງທີ່ສຳຄັນໃນການຕ້ານການກໍ່ການຮ້າຍສາກົນ ເຊິ່ງສອດຄ່ອງກັບຜົນປະໂຫຍດຮ່ວມຂອງປະຊາຄົມໂລກ.
ທ່ານເກິງສວງຍັງກ່າວເນັ້ນວ່າ: ຈີນຫວັງວ່າ: ຝ່າຍຕ່າງໆຈະຮັບຮູ້ເຖິງທາດແທ້ກໍ່ການຮ້າຍດ້ວຍກຳລັງຮຸນແຮງ ແລະ ຜົນຮ້າຍອັນໜັກໜ່ວງຂອງ “ຂະບວນການອິສລາມຕວກກີສະຖານຕາເວັນອອກ”, ເຂົ້າໃຈ ແລະ ສະໜັບສະໜູນຄວາມພະຍາຍາມຂອງຈີນໃນການຕ້ານການກໍ່ການຮ້າຍ. ບາງປະເທດໄດ້ລຶບຊື່ “ຂະບວນການອິສລາມຕວກກີສະຖານຕາເວັນອອກ” ອອກຈາກບັນຊີລາຍຊື່ກຸ່ມກໍ່ການຮ້າຍຂອງປະເທດຕົນ, ແມ່ນເປັນການກະທຳທີ່ປະຕິບັດສອງມາດຕະຖານລ້ວນໆ ແລະ ມີຈຸດປະສົງຢູ່ເບື້ອງຫຼັງທີ່ເປີດເຜີຍບໍ່ໄດ້. ຈີນທວງໃຫ້ປະເທດທີ່ກ່ຽວຂ້ອງຈົ່ງພິຈາລະນາເຖິງສະພາບການຮ່ວມມືສາກົນໃນການຕ້ານການກໍ່ການຮ້າຍ, ດັດແກ້ການກະທຳທີ່ຜິດພາດຂອງຕົນໃນທັນທີ ແລະ ຟື້ນຟູການກຳນົດເອົາ “ຂະບວນການອິສລາມາຕວກກີສະຖານຕາເວັນອອກ” ເປັນກຸ່ມກໍ່ການຮ້າຍ.
ຄຳເຫັນ
0