ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ8ຕຸລານີ້,ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມກ່ຽວກັບສາຍພົວພັນທາງເສດຖະກິດການຄ້າຈີນ-ອາເມຣິກາໂດຍກ່າວວ່າ: ທາດແທ້ຂອງສາຍພົວພັນທາງເສດຖະກິດການຄ້າຈີນ-ອາເມຣິກາ ແມ່ນຕ່າງຝ່າຍຕ່າງໄດ້ຮັບຜົນປະໂຫຍດນຳກັນ,ໃນສົງຄາມການຄ້າບໍ່ມີຜູ້ໃດຊະນະ, ສຳລັບບັນຫາຈຳນວນໜຶ່ງທີ່ເກີດຂຶ້ນໃນສາຍພົວພັນທາງເສດຖະກິດການຄ້າຈີນ-ອາເມຣິການັ້ນ ຄວນແກ້ໄຂຢ່າງເໝາະສົມບົນຈິດໃຈເຄົາລົບເຊິ່ງກັນແລະກັນ ແລະປຶກສາຫາລືກັນຢ່າງສະເໝີພາບ, ຫວັງວ່າອາເມຣິກາຈະຮ່ວມມືກັບຈີນພະຍາຍາມຮ່ວມກັນຊຸກຍູ້ໃຫ້ສາຍພົວພັນທາງເສດຖະກິດການຄ້າຂະຫຍາຍຕົວຢ່າງປອດໃສແລະໝັ້ນທ່ຽງ.
ທ່ານຈ້າວລີ້ຈ່ຽນກ່າວຕື່ມວ່າ: ການເປັນເຈົ້າການກະຕຸ້ນໃຫ້ຍົກຖານການຜະລິດໄປບ່ອນອື່ນແລະຕັດຂາດການພົວພັນການຜະລິດ ໄດ້ລະເມີດກົດເກນເສດຖະກິດແລະຄວາມເປັນຈິງພາວະວິໄສ,ບໍ່ພຽງແຕ່ບໍ່ສາມາດແກ້ໄຂບັນຫາຂອງຕົນໄດ້ເທົ່ານັ້ນ,ທັງໄດ້ທຳລາຍຄວາມໝັ້ນຄົງແລະປອດໄພຂອງຕ່ອງໂສ້ການຜະລິດແລະຕ່ອງໂສ້ການສະໜອງທົ່ວໂລກຢ່າງໜັກໜ່ວງ.ຈີນແລະອາເມຣິກາຕ້ອງຮ່ວມມືກັນຫາກບໍ່ແມ່ນແບ່ງແຍກກັນ,ຕ້ອງສົນທະນາກັນຫາກບໍ່ແມ່ນເປັນປໍລະປັກກັນ,ນີ້ແມ່ນສຽງຮຽກຮ້ອງຢ່າງແຮງຈາກວົງການຕ່າງໆຂອງຈີນແລະອາເມຣິກາ ເຊິ່ງລວມທັງວົງການອຸດສາຫະກຳການຄ້າ.ອາເມຣິກາຄວນຕັ້ງໜ້າຮັບຟັງສຽງຮຽກຮ້ອງດັ່ງກ່າວ,ເຮັດໃນສິ່ງທີ່ມີຜົນດີຕໍ່ການຂະຫຍາຍການພົວພັນທາງເສດຖະກິດການຄ້າລະຫວ່າງຈີນກັບອາເມຣິກາຢ່າງປອດໃສແລະໝັ້ນທ່ຽງ.
ຄຳເຫັນ
0