ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານ ຄາດຼີ ຊີມສັນ ຫົວໜ້າຮັບຜິດຊອບວຽກງານພະລັງງານຂອງຄະນະກຳມະການສະຫະພາບເອີຣົບກ່າວໃນຫວ່າງມໍ່ໆມານີ້ວ່າ: ສະຫະພາບເອີຣົບຈະສະເໜີແຜນການປະຕິຮູບກ່ຽວກັບຕະຫລາດອາຍແກັສທຳມະຊາດສະຫະພາບເອີຣົບໃນທ້າຍປີນີ້, ໂດຍຈະພິຈາລະນາບັນຫາກ່ຽວກັບຄວາມໝັ້ນຄົງດ້ານການເກັບສະສົມແລະການສະໜອງອາຍແກັສທຳມະຊາດ.
ທ່ານຄາດຼີ ຊີມສັນກ່າວວ່າ: ປັດຈຸບັນ, ລາຄາອາຍແກັສທໍາມະຊາດ ແລະລາຄາໄຟຟ້າໃນທະວີບເອີຣົບໄດ້ຖີບສູງຂຶ້ນຢ່າງຫລວງຫລາຍ, ເຊິ່ງສະແດງໃຫ້ເຫັນອີກຄັ້ງໜຶ່ງວ່າ: ທະວີບເອີຣົບຕ້ອງເລັ່ງຂະບວນການປັບປຸງໂຄງປະກອບດ້ານພະລັງງານ, ຕ້ອງນຳໃຊ້ພະລັງງານໝູນວຽນໃຫ້ຫລາຍກວ່າເກົ່າ, ທັງດຳເນີນການປະຕິຮູບທີ່ຈຳເປັນກ່ຽວກັບຕະຫລາດພະລັງງານ.
ນັບແຕ່ປີກາຍເປັນຕົ້ນມາ, ລາຄາອາຍແກັສທຳມະຊາດໃນທະວີບເອີຣົບໄດ້ຖີບຕົວສູງຂຶ້ນຢ່າງຕໍ່ເນື່ອງ, ທັງໄດ້ສ້າງສະຖິຕິໃໝ່ຢ່າງຕໍ່ເນື່ອງ. ລັດຖະມົນຕີຂອງຫລາຍປະເທດຂອງສະຫະພາບອີຣົບເຫັນວ່າ: ນີ້ບໍ່ແມ່ນບັນຫາທີ່ປະເທດໃດໜຶ່ງຈະສາມາດແກ້ໄຂໄດ້, ແມ່ນບັນຫາທີ່ທະວີບເອີຣົບຕ້ອງໄດ້ຮັບມືຮ່ວມກັນ.
ຄຳເຫັນ
0