ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງໃນໂອກາດວັນບຸນສົງຢາງທີ່ເປັນບຸນປະເພນີຂອງຈີນໄດ້ໝູນວຽນມາເຖິງ, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ,ປະທານປະເທດຈີນ,ປະທານຄະນະກຳມະການການທະຫານສູນກາງຈີນໄດ້ເນັ້ນໜັກຄວາມສຳຄັນກ່ຽວກັບວຽກງານຜູ້ເຖົ້າ ໂດຍໄດ້ຕາງໜ້າໃຫ້ສູນກາງພັກສົ່ງຄຳອວຍພອນຜູ້ເຖົ້າໃນທົ່ວປະເທດຈົ່ງມີສຸຂະພາບແຂງແຮງແລະມີອາຍຸໝັ້ນຂວັນຍືນແລະດຳລົງຊີວິດຢ່າງມີຄວາມສຸກ.
ທ່ານ ສີຈິ້ນຜິງ ໄດ້ກ່າວເນັ້ນໜັກວ່າ: ຄະນະພັກທຸກຂັ້ນແລະອຳນາດການປົກຄອງທ້ອງຖິ່ນຕ້ອງໃຫ້ຄວາມສຳຄັນຢ່າງສູງແລະເຮັດວຽກງານບໍລິການຜູ້ເຖົ້າໃຫ້ດີຢ່າງແທ້ຈິງ,ຈັດຕັ້ງປະຕິບັດຍຸດທະສາດແຫ່ງຊາດເພື່ອຮັບມືກັບສັງຄົມທີ່ມີປະຊາກອນອາຍຸສູງຫຼາຍຂຶ້ນຢ່າງຕັ້ງໜ້າ, ເຮັດໃຫ້ຄົນທັງຫຼາຍເບິ່ງບັນຫາທີ່ສັງຄົມມີຜູ້ອາຍຸສູງຫຼາຍຂຶ້ນໃນແງ່ດີແລະເຮັດໃຫ້ຜູ້ເຖົ້າມີສຸຂະພາບເຂັ້ມແຂງພ້ອມທັງໃຫ້ແນວຄິດດັ່ງກ່າວເຊື່ອມໂຍງເຂົ້າກັບຂະບວນການພັດທະນາເສດຖະກິດສັງຄົມ,ເພີ່ມພະລັງແຮງເຂົ້າໃນການປະດິດສ້າງໃໝ່ດ້ານລະບຽບການ,ການສະໜອງນະໂຍບາຍແລະການສະໜອງງົບປະມານ,ປັບປຸງລະບົບວຽກງານຜູ້ເຖົ້າໃຫ້ສົມບູນຂຶ້ນ,ເລັ່ງລັດປັບປຸງລະບົບປະກັນສັງຄົມ,ລະບົບບໍລິການການເບິ່ງແຍງລ້ຽງດູຜູ້ເຖົ້າແລະລະບົບຮັບປະກັນສຸຂະພາບໃຫ້ສົມບູນຂຶ້ນ,ເພື່ອເຮັດໃຫ້ຜູ້ເຖົ້າຊົມໃຊ້ໝາກຜົນແຫ່ງການພັດທະນາແລະປະຕິຮູບຮ່ວມກັນແລະດຳລົງຊີວິດຢ່າງມີຄວາມສຳລານບານໃຈໃນໄວຊະລາ.
ຄຳເຫັນ
0