ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ຈີນສົ່ງຍານອະວະກາດບັນທຸກຄົນເຊີນໂຈ່ວ 13 ຢ່າງສຳເລັດຜົນ ໄດ້ຮັບຄວາມສົນໃຈຢ່າງກວ້າງຂວາງຈາກປະຊາຄົມໂລກ, ສື່ສຳຄັນຂອງຫຼາຍປະເທດໄດ້ລາຍງານຂ່າວກ່ຽວກັບເລື່ອງນີ້ໃນທັນທີ.
ເວັບໄຊ້ການບິນອະວະກາດຫຼາຍແຫ່ງ ເຊັ່ນ: ເວັບໄຊ້ຂ່າວສານການບິນອະວະກາດອາເມຣິກາ, ເວັບໄຊ້ອະວະກາດແລະເວັບໄຊ້ອົງການການບິນອະວະກາດອາເມຣິກາ ແລະອື່ນໆ ໄດ້ລາຍງານຂ່າວຕ່າງໆຢ່າງລະອຽດໃນທັນທີ, ເຊັ່ນ: ຂະບວນການສົ່ງຍານອະວະກາດເຊີນໂຈ່ວ 13, ພາລະກິດການບິນອະວະກາດໃນຄັ້ງນີ້ແລະສະພາບການທີ່ກ່ຽວຂ້ອງຂອງການສ້າງສະຖານີອະວະກາດຂອງຈີນ. ເວັບໄຊ້ແຫ່ງຕ່າງໆໄດ້ເນັ້ນໜັກວ່າ, ນີ້ແມ່ນຈີນສົ່ງຍານອະວະກາດບັນທຸກຄົນເປັນຄັ້ງທີ 2 ພາຍໃນປີນີ້ ເພື່ອສ້າງສະຖານີອະວະກາດຂອງຕົນ, ຈັງຫວະການພັດທະນາການບິນອະວະກາດຂອງຈີນເຮັດໃຫ້ຄົນອັດສະຈັນ, ການສົ່ງຍານອະວະກາດໂຊີນໂຈ່ວ 13 ຢ່າງສຳເລັດຜົນຄັ້ງນີ້ກໍເປັນຂີດໝາຍສຳຄັນອີກຄັ້ງໜຶ່ງຂອງຈີນໃນການສ້າງໃຫ້ເປັນປະເທດທີ່ເຂັ້ມແຂງດ້ານການບິນອະວະກາດ.
ຕອນຄ່ຳວັນທີ 15 ຕຸລານີ້ຕາມເວລາທ້ອງຖິ່ນ, ອົງການການບິນອະວະກາດເອີຣົບກໍ່ໄດ້ແຊການລາຍງານຂ່າວທາງວິດິໂອກ່ຽວກັບການສົ່ງຍານອະວະກາດບັນທຸກຄົນເຊີນໂຈ່ວ 13 ຂຶ້ນສູ່ອະວະກາດຂອງສະຖານີວິທະຍຸໂທລະພາບສູນກາງຈີນໃນທັນທີ, ແລະໄດ້ລົງບົດຄວາມໃນສື່ສັງຄົມອອນລາຍເພື່ອສະແດງຄວາມຊົມເຊີຍຕໍ່ທີມງານສົ່ງຍານອະວະກາດເຊີນໂຈ່ວ 13 ຂອງຈີນ.
ຄຳເຫັນ
0