ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານເຮີແມນ ລໍເຣວ ຜູ້ສ້າງຕັ້ງສະຖາບັນຄົ້ນຄວ້ານະໂຍບາຍປະເທດບຼິກຂອງຟີລິບປິນໄດ້ໃຫ້ສຳພາດຕໍ່ນັກຂ່າວໃນຫວ່າງມໍ່ໆມານີ້, ໂດຍກ່າວວ່າ: ຈີນໄດ້ສະໜອງວັກຊີນໂຄວິດ-19ໃຫ້ກັບທົ່ວໂລກ, ໂດຍສະເພາະແມ່ນປະເທດພວມພັດທະນາຢ່າງຕໍ່ເນື່ອງ, ປົກປັກຮັກສາຄວາມປອດໄພດ້ານສຸຂະພາບຂອງມວນມະນຸດ, ເຊິ່ງໄດ້ສະແດງໃຫ້ເຫັນເຖິງການແບກຫາບໜ້າທີ່ຮັບຜິດຊອບທີ່ມີຕໍ່ສາກົນ.
ໃນຖານະທີ່ເປັນປະເທດທຳອິດທີ່ໄດ້ໃຫ້ຄຳໝັ້ນສັນຍາວ່າຈະໃຫ້ວັກຊີນໂຄວິດ-19ເປັນຜະລິດຕະພັນສາທາລະນະຂອງໂລກ, ຈີນໄດ້ປະກາດວ່າຈະພະຍາຍາມສະໜອງວັກຊີນ 2 ຕື້ຫລອດໃຫ້ແກ່ປະເທດຕ່າງໆພາຍໃນປີນີ້, ນອກຈາກບໍລິຈາກ 100 ລ້ານໂດລາໃຫ້ກັບແຜນດຳເນີນງານວັກຊີນໂຄວິດ-19ແລ້ວ, ຍັງຈະສະໜອງວັກຊີນ 100 ລ້ານຫລອດແບບໃຫ້ລ້າໆແກ່ປະເທດພວມພັດທະນາອີກພາຍໃນປີນີ້. ສຳລັບເລື່ອງນີ້, ທ່ານເຮີແມນ ລໍເຣວກ່າວວ່າ: ຈີນພວມປະຕິບັດຕາມຄຳໝັ້ນສັນຍາ, ເຊິ່ງເປັນການປະກອບສ່ວນເຂົ້າໃນການປົກປັກຮັກສາຄວາມປອດໄພ ແລະຄວາມກ້າວໜ້າຂອງມວນມະນຸດ, ມີຜົນດີຕໍ່ປະຊາຄົມໂລກ, ໂດຍສະເພາະແມ່ນປະເທດພວມພັດທະນາເພື່ອຮັບມືກັບການແຜ່ລະບາດຂອງພະຍາດໂຄວິດ-19.
ທ່ານເຮີແມນ ລໍເຣວກ່າວຕື່ມວ່າ: ການແຕກໂຕນກັນດ້ານວັກຊີນລະຫວ່າງປະເທດຕ່າງໆເປັນສິ່ງທ້າທາຍອັນແທ້ຈິງ, ຈີນພວມເລັ່ງການຜະລິດວັກຊີນກ່ອນໝູ່, ເພື່ອສະໜອງວັກຊີນໃຫ້ກັບໂລກ, ຈີນຍັງພວມຈັດຕັ້ງປະຕິບັດຈິດໃຈມະນຸດສະທຳດ້ານວັກຊີນ, ສະໜອງວັກຊີນໃຫ້ກັບໂລກ, ໂດຍສະເພາະແມ່ນປະເທດພວມພັດທະນາ, ຊຸກຍູ້ການແບ່ງປັນວັກຊີນໃຫ້ຍຸຕິທຳ ແລະເຂົ້າເຖິງໄດ້ຢ່າງບໍ່ລົດລະ, ນີ້ເປັນເລື່ອງທີ່ໜ້າຍ້ອງຍໍຊົມເຊີຍ.
ຄຳເຫັນ
0