ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ຕຸລານີ້, ກະຊວງການຕ່າງປະເທດມາເລເຊຍໄດ້ອອກຖະແຫຼງການວ່າ,ຫວ່າງມໍ່ໆມານີ້, ເຈົ້າໜ້າທີ່ອິສຣາແອນໄດ້ກ່າວຕໍ່ສື່ມວນຊົນວ່າ, ມວາເລເຊຍອາດຈະເຂົ້າຮ່ວມ “ສັນຍາສັນຕິພາບລະຫວ່າງອິສຣາແອນ ແລະ ສະຫະລັດອາຣັບເອມິເຣດ” ແລະ ກ້າວເຖິງຂັ້ນສ້າງຕັ້ງສາຍພົວພັນກັບອິສຣາແອນຢ່າງເປັນປົກກະຕິ. ແຕ່ມາເລເຊຍໄດ້ປະຕິເສດຄຳເວົ້າດັ່ງກ່າວ.
ກະຊວງການຕ່າງປະເທດມດາເລເຊຍໄດ້ອອກຖະແຫຼງການໂດຍລະບຸວ່າ, ມາເລເຊຍຈະສະໜັບສະໜູນພາລະກິດຂອງປາແລສຕິນຢ່າງເດັດດ່ຽວ, ສະໜັບສະໜູນປາແລັສຕິນຕໍ່ສູ້ເພື່ອຄັດຄ້ານການຍຶດຄອງທີ່ຜິດກົດໝາຍ ແລະ ການກົດຂີ່ຂູດຮີດທີ່ຍາວນານຢ່າງເປັນລະບົບຂອງອິສຣາແອນ. ມາເລເຊຍຈະສືບຕໍ່ຕັ້ງໜ້າຊຸກຍູ້ວາລະປະຊຸມກ່ຽວກັບບັນຫາປາແລັສຕິນໃນເວທີປຶກສາຫາລືຕ່າງໆຂອງພາກພື້ນ ແລະ ສາກົນ, ເພື່ອບັນລຸຄວາມຫວັງທີ່ຢາກມີເສລີພາບ ແລະ ການສ້າງຕັ້ງປະເທດປ່າແລັສຕິນທີ່ເປັນເອກະລາດຂອງປະຊາຊົນປາແລສຕິນ.
ຄຳເຫັນ
0