ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ຕຸລານີ້,ທ່ານຮານຈື້ຊຽງ ເອກອັກຄະລັດຖະທູດຈີນປະຈຳໄທໄດ້ຕອບຄຳຖາມຂອງສື່ມວນຊົນໃນໄລຍະເຂົ້າຮ່ວມງານສົນທະນາທາງອອນລາຍກັບສື່ມວນຊົນຕົ້ນຕໍຂອງໄທ ໂດຍກ່າວວ່າ: ບໍລິມາດນ້ຳໄຫຼຕາມແມ່ນ້ຳລ້ານຊ້າງໃນປະເທດຈີນກວມພຽງ13,5%ຂອງຍອດບໍລິມາດນ້ຳໄຫຼໃນລ້ອງແມ່ນ້ຳລ້ານຊ້າງ-ແມ່ນ້ຳຂອງຕະຫຼອດສາຍ,ຈີນໃຊ້ບໍລິມາດແມ່ນ້ຳລ້ານຊ້າງບໍ່ຮອດ1%ຂອງບໍລິມາດນ້ຳໄຫຼໃນລ້ອງແມ່ນ້ຳລ້ານຊ້າງ-ແມ່ນ້ຳຂອງຕະຫຼອດສາຍ, ຄຳເວົ້າທີ່ວ່າ “ຈີນສະສົມນ້ຳຢູ່ຍ່ານເໜືອແມ່ນ້ຳຂອງເພື່ອຜະລິດໄຟຟ້າເຮັດໃຫ້ຍ່ານໃຕ້ແຫ້ງແລ້ງກວ່າເກົ່າ” ນັ້ນແມ່ນຂ່າວປອມທີ່ບາງປະເທດນອກພາກພື້ນແຫ່ງນີ້ຕັ້ງໃຈໃສ່ຮ້າຍປ້າຍສີການຮ່ວມມືດ້ານຊັບພະຍາກອນນ້ຳຂອງປະເທດທີ່ລຽບຕາມແມ່ນ້ຳລ້ານຊ້າງ-ແມ່ນ້ຳຂອງ.
ທ່ານຮານຈື້ຊຽງກ່າວຕື່ມວ່າ: ຕ້ອງລະມັດລະວັງແລະສະກັດກັ້ນບາງປະເທດນອກພາກພື້ນແຫ່ງນີ້ທີ່ມັກໃສ່ຮ້າຍປ້າຍສີເພື່ອສ້າງຄວາມຂັດແຍ້ງໃຫ້ພວກເຮົາ,ຕ້ອງຮ່ວມກັນສຸມໃສ່ການພັດທະນາເສດຖະກິດ,ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ,ດຳເນີນການແລກປ່ຽນແລະຮ່ວມມືກັນດ້ານວັດທະນະທຳ,ຊຸກຍູ້ສາຍພົວພັນມິດຕະພາບຂອງປະເທດບ້ານໃກ້ເຮືອນຄຽງເພື່ອຮ່ວມທຸກຮ່ວມສຸກແລະກ້າວໄປໜ້າພ້ອມກັນ.
ຄຳເຫັນ
0